探險家攻略 > 28-4-2008：銀行博物館

28-4-2008：銀行博物館

由 Rita 於 2008-04-28 00:00:00 發表 | 累積瀏覽 393

分類：

今日又無啦啦放o左大半日假添~踏入印度o既第三星期，attachment亦有新方向，頭兩星期我o地attach內科，之後o既兩個星期我o地會attach preventive and social
medicine(應該同社會醫學差不多吧~)~上星期o黎過搵PSM o既professor啦，不過佢當時唔係度，office叫我o黎星期一番o黎搵佢，所以今日我o地一大早就去搵佢了~點知…坐係佢個office度等呀等、等呀等，等o左接近一個鐘先出現﹗人生o既一小時青春就係呢度浪費了…

professor shinde話聽日先開始attachment啦，佢會為我o地預備時間表，大概有orientation呀、urban clinic、rural clinic，再俾機會我o地present番D finding出o黎(sure唔sure？)？anyway，佢o地叫我o地預備一封application letter俾佢o地department存檔，然後聽朝10:00am再番o黎搵佢啦~

free了？﹗咁快？﹗有冇搞錯？﹗我o地就趁呢個時候去o左網吧，一方面去上上網、check check e-mail啦，另一方面去預備o個封application letter o羅~

搞掂再番去department度，哎?，等個sec番o黎一等又等o左半個鐘(呢度D o野乜都慢﹗係香港人所不能忍受o既慢~乜o野快呢？逼上火車巴士咪快o羅~車未停定就逼上去﹗)﹗當我o地決定唔等喇，諗住聽日先交封信，點知之前叫我o地等o個個女人話交俾佢就ok﹗?？﹗

朝早都冇乜做咩就到lunch time啦，o岩o岩attach paedi o既connie同angela都落堂了，我o地可以join埋一齊食lunch~仲有elective student amy同埋兩個分別o黎自英國同埋德國o既印度裔elective student~張枱咁大，我都冇乜同另外兩個student傾計呀，主要都係同amy吱喳咋~umum…同D唔熟悉o既人食飯有少少尷尷尬尬的，何況仲要用我o地唔熟悉o既餐具食唔熟悉o既食物﹗(食印度薄餅應該用手，但我o地唔慣嘛，用匙同埋叉又怪怪的~)

下晝佢o地番去上堂，我同埋兩個男生就空閒lu~之前係度等時已經決定下晝要去邊~因為係印度好多觀光場所星期一都休館，所以要搵室內o既地方去都幾難，有D本身想去o既地方又要等齊人去先好喎~

行過去火車站時買到了薄被了，之前咪講過搭火車o既夜車瞓覺時會凍o既，所以我好想出發去長途旅行前買到張薄被~都幾滿意，Rs90(~HK$18)，o岩o岩洗一洗佢，好靚呀﹗乾o左之後就可以開始蓋住先啦~

我o地結果去o左CST附近o既reserve bank of india monetary museum(大概係金錢博物館？或者銀行博物館？anyway~)，都搵o左一輪先搵到呀，因為我o地冇一個detail o既地圖嘛，成日都要問人~間bank好大，但又搵唔到博物館o既入口，我o地入o左間building兩次，俾人check手提包check o左兩次，先至係正確位置買票入場~

博物館入面空空如也，一個其他遊客都冇﹗因為promotion太少吧，而且只o黎mumbai幾日o既遊客唔會去到呢度呢~但係個museum做得好靚﹗好精美~係o黎到印度之後未見過咁靚o既museum~印刷好靚o既展板啦，又多圖片，而且館藏都好多~內容有幾part，最開始有D似會考課程o既econ，講金錢o既用途、「錢」所具備o既條件、錢幣紙幣o既歷史等等~後來講下印度現時用o既錢啦，印刷system，防偽手法等等啦~除o左展板同之外，犀利o既仲要係o個度有幾部電腦有D games俾人玩o架~一個咁靚o既museum得咁少人o黎睇先係好可惜呢~如果多D宣傳就好了~

行完museum就番去CST搭車番o黎酒店lu~路經一間靚靚大鋪頭，叫做bombay store，有好多o野賣，都唔係外表睇落咁貴，見而家皮膚咁乾，買o左支lotion o黎搽，都係Rs110(~HK$22)咋~男生們仲想遲D係o個度買手信添~

今日晏D應該冇乜特別o野lu，主要都係係酒店附近食飯同埋wi-fi o羅~
我D blog blog又面世啦~

待續

前往其他印度旅遊blog