27-4-2008：微型國家公園

由 Rita 於 2008-04-27 00:00:00 發表 | 累積瀏覽 372

分類：

今日八點九左右就出門口了，我o地今日去sanjay ghandi national park，呢個國家公園就係孟買周邊o架咋，搭火車再轉電動車就可以去到了~

買到飛入場大概十點鐘鬆D啦~我o地都冇特別plan要點樣玩法，都係順住條路行，公園環境都幾舒服o既，綠蔭處處，同外面孟買城市o既烏煙瘴氣好有分別，感覺有D似new york o既中央公園啦~不過呢，今日天氣繼續好熱呀，所以冇樹蔭o既位置都要開遮﹗

我o地入o左個nature information centre，入面有D展板，介紹一下maharastra省o既動植物，環境o既保育等等，好適合中小學生去參觀呢，不過印度始終唔係有錢地方，只係得好plain o既展板，如果有D互動式o既東東就更有趣了~

行行下見到有個小湖可以玩水上單車呀~我o地即刻去買飛了﹗heehee，女生們成功登上天鵝號，男生嘛，佢o地係鱷魚號~影o左好多靚靚相呢﹗玩呢個不禁令我o地諗起當年去上海時個南京trip，o個陣都有玩水上單車，發生o左咩事？呵呵~

唔，去國家公園最主打就係lion and tiger safari吧？我o地o既目標都係過去睇睇~行多一陣就見到售票處了，買好票就坐入一架好似籠咁o既小旅遊巴，一行二十幾人就去參觀safari了，戒備咁嚴謹好似好勁咁，點知…safari入面D老虎有兩隻係再係籠入面o架~慘﹗仲以為佢o地可以係個大範圍度自由走動添~另外都仲有兩隻係外面o既~獅子總共兩隻，都冇籠困住~但因為天氣太熱+烈日當空了吧？D獅子老虎全部都一pat，一pat咁係地下撻皮，好似KEM o個D狗咁午睡，見唔到佢o地呼吸o既起伏的話，根本唔知佢o地係生係死﹗唔，對個safari有少少失望添~不過算啦，Rs30(~HK$6)係咁上下o架啦~

國家公園o既另一主打就係睇caves了，去過ajanta同埋ellora咁精彩o既caves之後，我o地都唔打算去睇lu~

冇o野做？做咩好？出去食飯先﹗嗚哇呀~雖然出番去borevali火車站o個邊好熱鬧，但偏偏搵唔到大間少少o既餐廳，都行o左少少耐先見到唯一一間貴貴餐廳咋~都食啦~雖然?菜o既價錢係平時o既一倍半至兩倍…(平時Rs60，而家要Rs120﹗)係有冷氣，環境係唔錯~但比唔上上次去o個間素菜餐廳o羅~又收咁貴喎，個廁所仲要係有味o既添~食物又唔係特別好味…五個人Rs550真係唔抵呀~(好在夜晚o個餐食番平時抵番﹗yeah~)

我o地決定下晝去睇電影，問餐廳老闆知道呢一區都有大o既戲院，但就要行10-15分鐘(好少o者？﹗nonono~印度人行路好快o架﹗以我o地o既龜速大概要雙倍時間~)~anyway，我o地都決定行路去~行o既中途又入o左鋪頭睇o野，又去o左麥當勞飲o野，去到o個度都三點幾lu~

一見到間shopping mall，我o地就如大鄉里出城，高呼「哇~哇~哇~」，因為，我o地係孟買未見過咁大咁靚o既mall，簡直就好似香港o個D~係呢度全部都係街鋪嘛，所謂o既「商場」都係尋日同connie去colaba時第一次見~

因為唔知道場次，所以直接去o左戲院售票處先啦，之前睇中o個套戲呢度都有得上呀，但要六點幾先有場，我o地決定睇馬上就有場o既「Sirf」~印度o既電影業其實好發達o架，就係所謂o既bollywood，電影產量全世界首屈一指，而且好出名o既係電影入面o既歌舞，每套戲o既poster都會註明係邊個負責music，邊個負責lyrics~

入場lu~間戲院好大呀﹗香港而家都冇呢D咁大間o既影院lu~可以坐300-400人都得(都係estimate咋~)﹗不過唔知點解今日睇戲好少人(<50)~睇戲前要起立，奏國歌~聽媽咪講佢o地以前係台灣讀書時去睇戲都係咁o架~套戲全套印度文對白，冇英文字幕，不過劇情唔難估o既~呢套戲有少少似「love actually」咁，都係幾個故事組成，D人物互相交錯出現~故事總共有四個，講o既都係一段感情入面o既缺憾~雖然聽唔明對白，但我覺得好好睇呀~演員做得好好睇，表情好豐富(有D笑位唔駛聽得明對白都識得笑﹗)，而且D歌舞的確好正~雖然D男女主角講講下o野無啦啦會開始唱，而且會出去街外面唱，感覺有少少搞笑，但都好浪漫o既~好想買張sound track帶番o黎呀~

睇完戲都夜lu~睇睇下仲要有中場休息添，真係搞笑~本來想係o個度食埋dinner
o架，但food court真係好多人，難搵位，我o地都係決定番去cotton green附近食o野~番去都要唔少時間呢~好在火車唔逼人~

好累了，weekend過後，聽日又要番學啦~

待續

前往其他印度旅遊blog