29-4-2008：社區醫學at a glance

由 Rita 於 2008-04-29 00:00:00 發表 | 累積瀏覽 325

分類：

今日第一日去PSM上堂lu~本身10:00am先要番學o架，但我早D起身，諗住再上下網添啦，尋晚個wi-fi係咁斷線搞到我upload唔切D blog blog呀~但係試試連線時，我個password已經過期lu~咁多時間剩做咩好？洗衫﹗D污糟衫就好似lecture notes咁，唔洗就會越積越多，之後就會好難搞，正如上完堂要盡快溫書一樣﹗

去到PSM(preventive and social medicine) department，搵唔到尋日接見我o地o既Dr Shinde，但有另一個professor見我o地，佢好nice呀~同我o地簡單講講佢o地department其實做D咩，個架構係點，係醫療制度上有咩作用等等，之後有個lecturer帶o左我o地去GOPD，其實地點就係之前去過o既paedi OPD o個度(新building一樓<–新building就好似瑪麗醫院o既K座，main building大但係矮，但新building就好新好高~註：KEM o既新building都唔係美輪美奐o個種的，入面都係少少殘舊，印度人唔花錢係外表嘛~)~

GOPD作用同香港o既普通科門診都差不多啦，總之會manage D一般o既症，然後refer一D複雜o既case俾specialist o羅~不過係KEM呢，識人的話，都可以by-pass GOPD直接睇專科…o個個lecturer同我講解o左GOPD、referral system、公立私立醫療系統o既關係之類~後來我o地跟其中一間consultation room，跟D doctor睇症o羅~

出去食完飯，休息一陣，又番去上堂lu~下晝都係去同一個地方，但下晝就變成immunization clinic(疫苗注射診所)lu~即是少少似香港o既母嬰健康院，D小B出世之後就要參加vaccination programme，按照時間表番o黎打針，根據doctor所講，呢個immunization clinic係全印度首屈一指o架，因為佢o地o既運作好有系統，要登記啦、見醫生睇下有冇打針o既contraindication啦、打針、再見醫生做番health education，特別係餵哺母乳、避孕、小B o既生長健康等等問題~而KEM亦係做pilot programme o既地方，即是新疫苗，好似hepB、MMR(係香港其實唔算新啦~)就會係度做試驗~睇下對社會o既效果如何~

其實睇一個國家o既health policy就知道個國家有咩health problem了，疫苗o既品種KEM其實同香港差唔多，分別都係在於$$ o既問題，但係印度每個小B都要係打針時o黎食幾次維他命A，問下佢o地o既飲食究竟係邊一part出現問題，導致容易缺乏維他命A，維他命A好多o黎自蔬果，另外就係肝類、魚呀之類，但原來水果對佢o地o黎講係奢侈品，唔係人人食得起，蔬菜嘛，好多營養係烹煮時流失，魚類肉類就因為佢o地o既宗教原因會食得少D，$$都係問題啦~個doctor考我o地，世界上最平o既維他命C o既source係咩，我o地係度諗，咩水果呢？﹗原來答案係維他命C丸﹗聽到都真係有D心酸~明明係食物入面咁容易得到，但偏偏因為貧窮而要靠「藥物」﹗個doctor真係好好呀~講好多o野俾我o地知，除o左個clinic o既運作之外，仲discuss o左好多相關o既課題~

後來佢帶o左我o地番去department，以為要見professor，後來唔知點解入o左課室聽presentation，oh no no~又聽唔明D印度口音+勁快o既英文，同埋又暗暗地，風扇又吹下吹下，我o地絕對相信我o地已經丟o左中國人o既假了—-呼呼大睡!

好好o個個doctor放學時原本邀請我o地一齊去tea o架，但都要狠心拒絕佢了，因為今日一早決定o左要去MTDC遊客中心問問weekend出去trip o既資料~四點幾放，但五點半前要去到，都係一個難完成o既使命呢~我o地要先搭火車去churchgate，再過去個遊客中心~諗住慳番D行路時間，所以去到churchgate時搭的士，但問個的士司機識唔識路，佢扮識路﹗佢開錯方向時我o地拿拿聲決定落車已經太遲啦~唉，要走(其實已經要跑了)好多回頭路，又唔識路，又要時時問路人，我o地又跑下急步行下，終於5:25pm喘住氣入去MTDC o羅~

激死人了﹗激死人了﹗我o地咁辛苦趕到去MTDC，但佢o地乜o野information都俾唔到我o地，問巴士時間、班次，佢冇手頭上o既資料啦，打電話去問又一舊舊，o個個人又唔識上網check喎(即使o個度有好多新新靚電腦﹗)~實在太可惡了~最終都唯有放棄…

去食埋飯就番o黎啦~好累了~寫o左好多張postcard，又洗o左衫，之後又同大家discuss
weekend個trip D o野，而家先有時間打blog blog~我要瞓啦，goodnight~

聽日o既PSM attachment暫時都係去OPD，星期四五一勞動節假期，星期五我o地會出去外面o既clinic呀﹗要搭車去o架﹗

待續

前往其他印度旅遊blog