15-11-2011：斐濟蜜月day 9．下雨天的Lalati．原始味道Loloma Spa

嚟到Lalati第三日，似乎天氣都唔係幾好呢，戶外活動都應該唔太可能了，好在仲有今日嘅重頭節目，預約好了下午做spa丫～

先嚟令人期待嘅早餐先啦﹗

我哋之前提過幾次嘅貓貓就係佢了﹗呢隻專嗲男人嘅貓貓～其實佢要嘅係⋯食物﹗﹗不過男人都係容易啲心軟㗎啦～佢會楚楚可憐咁抬頭望住你，輕輕的、淡淡的「喵～」一聲﹗你冇反應嘛，又行開下又再返嚟「喵～」，多數男人都抵擋唔住一輪輪嘅攻勢﹗

就係咁﹗我冇見過呢隻貓貓跳上女客人嘅身上呢～

今日嘅早餐，比較香港食法light少少嘅French toast～

spa約咗下午，我哋上晝都係休息休息同埋周圍逛逛啦～之前有提過，斐濟傳統屋子嘅設計可以好通風，好似呢啲下雨天，咁樣打開「百葉簾」，又涼涼地又唔會撇雨～

停咗雨出去逛逛，冇咗藍天反射落嚟，海都冇咁迷人了～

潮退了，見到啲小生物呢～

涼浸浸嘅海水～

靜靜的，兩個人，望望海～:)

自拍一個～

如果唔係冇節目，我哋都未必會咁樣靜靜散步，細心觀賞周圍嘅小動靜呢～

spa入面當然冇影相了，雖然事隔咗兩年半，都記憶猶新，如果話曼谷嗰次好正嘅Oasis Spa係現代、時尚、貼心，今次嘅就係天然、真誠(請參閱：19-8-2013：即興曼谷day 4．至高享受Oasis Spa)，冇話邊個好啲，兩個好good嘅spa我都一樣回味﹗Loloma Spa冇套餐，所以我哋單點三項treatment，我哋做咗scrub、wrap同埋全身按摩～環境就好似我哋嘅蜜月小屋，都係百葉簾房間，我哋趴係treatment床上面，窿窿望嘅係一早預備好嘅大紅花裝飾，聽嘅音樂係大自然嘅海浪聲，溫度就係海風吹入嚟嘅最佳溫度，聞嘅係椰子味嘅treatment product，配合晒成個mood～除咗環境天然之外，其他地方做body wrap通常都係保鮮紙包住家嘛，我記得Loloma Spa呢次包住身體嘅好似係超大葉子﹗按摩唔係香港嗰啲所謂therapeutic嘅穴位按摩，而係輕柔嘅、relaxing嘅按摩，適合度假心情～好正嘅spa，花多少少錢都值得呢，都算係今個trip嘅另一個高潮～:)

晚餐當然繼續精彩啦～日日都有新款呢～

下雨天⋯呱出沒注意﹗

待續

前往其他斐濟旅遊blog

============================================

感謝 Rita 提供以上資料

Rita的網誌: http://www.wufamilyblog.com/~rita/

============================================