17-8-2013：即興曼谷day 2(part 3)．Amphawa水上市場食食食

我哋食飽飽自己o既傑作之後就出發去下一個目的地啦，本來就plan咗要去Amphawa水上市場，我哋曾經討論過要唔要去埋途中o既一個市集，我係電視都睇過介紹，唔知「世界那麼大」定「世界正美麗」嗰啲，話說個市集開係路軌上面，車一到就要四散，讓番條路俾火車行咁喎，聽我哋今次o既導遊家姐講，嗰個市集位於去Amphawa途中，但估唔到上晝個cooking class咁充實，食埋嘢都咁晏，所以見時間咁趕我哋就放棄唔去個市集了~

我哋嚟到小巴總站，買好票就問下職員要上邊架車，但奇o既係啲小巴冇明確站number顯示邊架車目的地去邊幾點鐘開車，我哋認為好基本o既資訊係冇的，售票處職員只叫我哋坐係長椅等，但有啲不安呢，因為啲車好似都幾疏下，miss咗一班等好耐點算？由精明o既家姐去查探一下，似乎係最早開嗰班full咗，我哋已被安排搭下一班o架喇~anyway，我哋結果都上咗正確o既車~

距離都唔算近，有82公里，我哋都未試過係泰國自由行，仲要去離開市區咁遠o既地方呢~

但係…我哋冇係正確o既位置落車﹗﹗唔知有幾多個站，硬係覺得會係總站至落，因為不安，家姐開咗個tablet，用GPS嚟locate我哋o既位置，咦，係咪過咗龍？﹗車行行下突然去到總站，全部人落車了，但嗰度好似唔係Amphawa水上市場囉，哎吔吔，同站頭職員講番，好在佢哋肯唔收錢載番我哋過去啫~

旅遊書教落，落車記得先買好回程車飛，因為坐位有限呀，逛完太晏至出來買飛分分鐘冇位~

哇，熱鬧o既市場呀﹗似乎真係多啲當地人嚟o既呢~東東價格都好相宜~

食o既就當然好多啦~台灣掃街我哋就去得多(請參閱：26-5-2008：回到現代都市大吃大喝@台北、6-2-2009：第一站高雄．六合夜市、23-6-2009：花蓮day 1(part 3)．南濱夜市吃看玩、15-9-2010：台北宜蘭trip day 4(part 2)．國立傳統藝術中心、羅東夜市)，泰國掃街原來品種好唔同﹗左上o既七彩糖果我都唔知係咩了，右上o既鵪鶉蛋煎到好似荷包蛋咁？左下應該係啲冰棒吧？右下o既係涼茶丫﹗

唔食得o既，精緻o既裝飾物亦有好多~

既然係水上市場，應該點都要搵條河出嚟吧？我哋行到去河畔o既Amphawa步行街~

沿步行街都有唔少攤檔，但點解越行越唔熱鬧o既？明明旅遊書圖畫上面係啲小艇o既商店嚟o架喎？我哋搵到遊客地圖，有少少難orientate自己o既位置，總之somehow要搵到條橋先啦，橋就向前行向後行都有，賭一鋪啦，我哋返咗去之前熱鬧嗰邊行…

搵到嗰條橋了﹗果然真係好—-多—-人—-﹗水洩不通呢~

係喇，咁至似樣嘛，有好多水上o既小艇檔口~

交投活躍呢，大部份小販都係賣熟食，因為要賣俾陸地上o既客人，遠嘛，所以佢會用啲長柄兜交收~

我哋肚子都未餓，所以唔食嘢住~橋o既對岸都係人人人人人~

橋o既十字路口位置有間賣postcard o既鋪頭仔呢，特別貼心o既係，除咗賣postcard之外仲賣埋郵票，又有得係佢度寄埋，而且仲有啲小椅小檯提供埋筆呀印仔呀俾你寫postcard﹗我當然寄咗張番去俾老公啦~

沿住河邊行好多琳瑯滿目o既貨品，而且都靚o架，我哋都有收獲，買咗啲tee，俾自己又有俾老公又有~我哋揹住重重o既醬料(之前去傳統市場時買嗰啲呢)都仲有興致買，可想而知都幾吸引o既~

行到天開始黑添﹗靚靚o既天色呢~要抓緊時間，要開始jap jap jap lu~

其實我都不太餓，但家姐話有啲係「must食item」，要朝聖一下~

其中一款係呢啲湯粉，我只記得佢超平，因為超細碗﹗烹調完全係船上面進行，客人嘛，就好似去睇演唱會咁一行行握手位至山頂朋友咁坐，好似得兩款味道o架咋，冇錯，得pork noodles同埋seafood noodles，你睇我嗰碗就知道係seafood啦，有蝦有魚蛋有蟹柳，好在佢咁細碗咋，得兩箸麵，如果好似平時一般o既size咁就食唔到其他嘢啦~

細細o既枱椅，其實坐得都幾唔舒服，但都好有風味o既~

下一站係食海鮮﹗

菜牌貼心的有中文有英文，價錢清楚合理，我哋叫咗烤大蝦啦、烤扇貝同埋沙嗲，家姐本來話想食原條烤魚添，但我話我真係食唔落先作罷~蝦就幾好，好大好彈好juicy，扇貝就一般般啦，沙嗲都幾惹味，加埋啲醃酸瓜正好配合，但啲多士我哋真係食唔落得晒…

夜裡o既市場氣氛更熱鬧呢~

飄揚o既泰國旗~打呢篇blog時泰國政局又不太穩呢，唔知幾時先可以再去泰國lu~本來作為weekend getaway真係唔錯呢，我特別掛住泰國o既spa(第四日會介紹﹗)~

同一個景，但夜裡感覺好唔一樣吧~

見到有趣o既小食呢，本來呢啲五顏六色o既嘢我試o既意欲通常都不太高，但今次點解會買嚟試呢，我都唔記得了，我哋好奇的睇下點整，原來個木板模係啲細洞洞，一壓個粉糰就出啲一絲絲o既粉條條出來了，變成一堆堆咁~

我哋又唔知點解會買嚟試bor，好似因為好多人買？加啲甜甜o既椰汁落去啲煙煙韌韌o既糯米糰子之中，出乎意料之外都幾好食bor~

渴了，飲埋個椰青就perfect喇﹗呢度個椰青超平呀，今個trip係其他地方搵唔番咁平了﹗後來係bangkok我哋酒店附近飲要雙倍價錢呢~

我哋專登早少少出返去車站，怕迷路會miss咗班車，黑麻麻都唔知邊架係，我哋上咗架泊係落車位置附近的，又話唔係，叫我哋上另一架又有啲不安，好在都順順利利返咗嚟~搭番BTS返酒店附近轉tuk tuk返酒店~

家姐去旅行時真係帶多咗一個胃去o架，我都仲好飽佢都興緻勃勃話要食芒果糯米飯，反正街邊小販檔有得買take away，咁就買一份返酒店share食啦~咁淋咗啲甜甜椰漿同脆脆上去之後又真係好吸引o既，我哋特地揀咗一碟係有double芒果o既添呀，果然不負姐望，真係好好食丫~離奇o既係，day 3晚我哋明明食到好飽家姐都可以自己隊多一碟芒果糯米飯，恕我真係奉陪唔到了…>v<

待續

前往其他泰國旅遊blog

============================================

感謝 Rita 提供以上資料

Rita的網誌: http://www.wufamilyblog.com/~rita/

============================================