17-12-2008：海裡水中游

第二日都算係重點活動呀﹗因為cebu出名水清沙幼，而且好適合浮潛，呢一日我o地就book o左一架船，出海去﹗

要間水行出去深水處先上船，我好慶幸自己有對crocs鞋﹗濕水都好方便﹗你睇D水幾乾淨幾清~

哇，好多海膽﹗

乘風波浪出海lu，呢項活動叫「islands hopping」，都算係去cebu一個ok standard o既動作，不過我o地得兩個人，要自己book架船，相對地就冇咁抵玩o羅~

同行有咁多個佬，後來先知道佢o地各有各o既功能﹗

一路搭船時會時不時有D唔關事o既人走上船，點解？business o羅~佢o地有兜售唔同o既物品，其中成為我o地旅程o既「指定紀念動作」就係有個上船o黎兜售o既人，佢帶o左D賴尿蝦、鮑魚、蜆o黎賣，但我o地租船已經花o左好多錢啦嘛，而且租船提供o既食物都好足夠，所以就turn down o左佢lu，佢就好bitter咁話：「me，small business，no business…(指住自己個鼻，再攤攤開手板，慘慘o既樣子…)」，其實都有少少心軟，但真係唔捨得買嘛~另外又有D上船兜售紀念品o既人~貝殼呀、珍珠呀之類~

我o地就係係呢D咁清咁清o既水入面浮潛啦~唔唔…因為潛落水又影唔到相，所以都帶唔到大家遊覽海底o既風光添~點講呢，真係好多好多珊瑚，好多好多魚﹗珊瑚o既顏色雖然唔係想像之中咁sharp，但都好多唔同o既顏色同形狀o架，有紅、有黃、有啡、有綠，有似靈芝o既，有似腦袋o既，又有似木耳o既…想像得到嗎？魚同我o地真係零距離接觸，無限咁多o既魚係我o地身邊游o黎游去，有細o既有大o既，魚身有唔同pattern同顏色o既，我o地有見到小魚仙呀(鮮黃色、扁扁的，有尖尖咀o個種呀~)，不過見唔到mo仔~

我o地出海o既呢一日都幾大浪，所以游到好累﹗都安全o既，有lifeguard同我o地一齊游﹗雖然著住救生衣，但如果relax一陣就會飄到好遠，好在有條繩圍住個海，可以捉緊o黎游，慢慢欣賞海底﹗初時都唔習慣戴住o個個浮潛用o既mask，要千萬千萬慢慢同個口o黎呼吸，一騰雞就會透唔到氣，後來習慣o左喇，就好喜歡佢了，可以自由自在的係寧靜o既海度呼吸，周圍冇晒聲音，就只有自己o既呼吸聲…

因為天氣唔係太熱，陽光暖烘烘的曬得人好舒服，oops，中計了﹗我就係呢一日曬傷o左啦，零搽防晒﹗最蠢o既地方就係，支防晒我o地根本就有帶出去嘛~仲要晒到黑meng meng…

租船包埋bbq lunch~佢o地其實燒好晒俾我o地食o架啦，我o地都係作個狀影張相o者~

好豐富﹗有雞、有豬、有lapu-lapu魚(係cebu最出名o既魚)、有飯，仲有菠蘿、香蕉、芒果~umum…都係D水果最好味﹗

其實我o地都唔係真係會上島玩，主要都係去小島o既對開海面，第一個小島就去浮潛啦，第二個係去撈海膽﹗我o地同lifeguard，仲有「Mr.海膽」o既手下，一齊潛落海，佢用個耙由岩石邊「liu」D大大隻海膽出o黎，再放入個網入面，落一落海都「liu」o左廿幾隻﹗

上到船即開即食﹗(又被坑一筆了…算啦，都算係一次experience~)umum…唔知係咪因為over-fishing，D海膽係海入面冇肉食，所以生得好瘦弱？同平時係香港食D海膽唔係好同添…麻麻地啦~

好喜歡呢張相﹗

其實船家promise我o地玩到四點先回程，不過我o地見再留耐D都冇乜特別了，倒不如早少少番去，可以安排其他節目嘛~我o地大約兩點就回程了﹗

出海resort附近行下街街啦﹗其實都冇乜D有趣o既鋪頭，只有三幾間當地人o既士多，同埋做遊客生意o既餐廳，um，總叫做了解下附近o既環境啦~

呢度就係附近o既地圖了，day指住o既位置，大約就係我o地出海o既位置啦~

我o地出街時其實已經安排好夜晚o既活動lu，非常滿意﹗

既然安排好，不如…

番酒店hea下啦﹗呵呵~呢度o既沙灘躺椅冇浮羅交怡o個次咁緊絀，可能係旅遊淡季？都冇乜人同我爭，可以慢慢的坐下~

仲有游下、浮下﹗成間resort有三個泳池，每一個wing都有一個泳池，我o地游緊o既係garden wing o既泳池，beach wing o既對住餐廳，俾人望住晒好似唔係幾過癮，本身想去埋spa wing o個個o架，但點知游游下落起毛毛雨喎，唯有腰斬游泳活動啦~

仲有少少時間，番房沖個涼，睇下電視先﹗day見到呢個節目，好興奮+哈哈哈笑，因為係台語節目，佢識得聽﹗

大約六點鬆D我o地就出去下晝時揀定o既餐廳食dinner了，叫做maribago grill，我絕對懷疑呢間餐廳同我o地間酒店係有關係o既﹗陳設好似~

成間餐廳都係戶外o架，每張枱都係獨立o既涼亭，好有私人空間，如果要呼喚waiter就要搖一搖個bell喇，不過有時會見到佢o地好疑惑唔知聲音係o黎自邊一枱客人…

我o地叫o左個鐵板雞，炒雜菜，同埋菠蘿飯，呢一餐都算咁多餐之中最好食o既一兩餐，因為食物夠熱嘛，係菲律賓可能D人唔係太介意食物唔熱？﹗因為即使係好高級o既餐廳，都唔係幾熱咁…呢兩味餸都幾好食，不過個菜有D辣o羅~我係零食得辣家嘛~食物係唔錯，不過勁慢呀﹗急到我頓足﹗

仲有宿霧著名甜品halo-halo做結束，我一影完相就狼吞虎嚥咁食了，因為好心急呀﹗halo-halo有一球芋頭雪糕，上面有粟米片，下面有刨冰同埋果肉，都幾特別﹗

點解咁心急？因為我o地約好o左spa o既車七點半o黎餐廳接我o地呀~

我o地order o左noble套餐，一共兩小時十分鐘，當中包括全身按摩、facial同埋洗腳，前兩樣都冇乜太新鮮啦，但係個洗腳真係幾新奇，因為佢用個銼同我o地磨腳皮，磨o左好耐，哈，唔知磨完之後係咪滑一滑呢？按摩都幾好，幾夠力，facial都預o左係比較簡單o架啦，只有洗面、按面同埋mask，但成個treatment都令人好relax﹗後來先發現，好在今日去按咋，因為係海度掙扎左成朝，如果唔係鬆一鬆，D肌肉第二朝一定勁痛﹗

完滿o既一日呢~

待續

前往其他菲律賓旅遊blog

============================================

感謝 Rita 提供以上資料

Rita的網誌: http://www.wufamilyblog.com/~rita/

============================================