16-12-2008：出發Cebu﹗熱浪假期

由 Rita 於 2008-12-16 00:00:00 發表 | 累積瀏覽 361

分類：

出發lu出發lu出發lu﹗﹗﹗由十一月中已經開始超級期待o既旅行，終於俾我等到啦~之前真係番工番到勁辛苦，日日都係度望放compen，放完compen就日日係度等放annual o羅…終於到lu，yeah yeah yeah~仲要之前籌備呢個旅行o既時候唔多順利，我都好擔心最後會冇得去o架~

因為坐朝早好早o既飛機，所以五點幾就要出門口啦，要搭的士去市中心再轉E33，都有少少狼狽~check-in後，去歎番個靚早餐先，既然冇我最喜愛o既家鄉銀針粉，咁就唔好食咁飽啦，同day share一個早餐，反正上到飛機一定有得再食﹗

島國菲律賓，我來啦﹗

今次坐o既係國泰，早餐都唔錯喎，居然有得食陳村粉，而且有別於一般用排骨o黎蒸，呢個用雞球蒸o既陳村粉好似仲好味~又有熱辣辣o既牛角包，good﹗

其實都好近，兩個鐘鬆D就去到lu~宿霧o既國際機場好細，而且人手唔係好足，等過關都等o左好耐添，拎埋行李，出面已經有車接我o地去resort lu~

我o地今次住o既係maribago bluewater beach resort，好似屬於四星級(？﹗)，我o地住o既係beach wing o既小屋。除o左beach wing之外，仲有garden wing同埋spa wing，開頭諗住，我o地俾錢又唔係多，一定冇得住beach wing啦，點知有喎~哈，點知有得住beach wing喇，又覺得人o地garden wing靚D添~呵呵，隔離二叔婆飯香﹗

去到涼亭咁o既lobby辦好check-in手續，有staff送上靚靚貝殼頸鍊，就坐哥爾夫球車去我o地o既116號小屋lu，仲有lemongrass welcome drink添呀~

呢個就係我o地間沙灘小屋望出去o既view喇，雖然唔係直接對住個海，但都叫做見到沙灘啦﹗

今日下晝o既活動係…hea﹗之前o個排day都番工好忙呀，點都relax下，養足精神，之後幾日再去搏盡玩啦~況且大家都唔想咁趕趕忙忙﹗

我o地explore下個resort之後，就去酒店o既私人海灘度瞓下啦~

爽呀﹗

天陰陰咁，暫時都未feel到我expect o既陽光與海灘添，因為係D旅遊書度見到D海好靚家嘛，少少遺憾添~

沙灘對開仲有一個小小島，因為水好淺，可以行過去﹗day話個海唔係幾好游，因為水太淺了，腳底下仲有好多滑潺潺o既水草添，踩落去感覺好核突呀﹗好在我有私家水泡，heehee，淨係浮下浮下﹗不過因為天氣涼涼的，所以都凍凍地~

夜晚我o地決定食酒店o既buffet﹗

仲有現場樂隊演奏呀~

呢個海鮮湯好好味~

因為菲律賓係島國，有好多海鮮，其中buffet有一部份係，我o地可以係「魚枱」度揀D魚，然後俾D staff即刻同我o地grill，仲有好多汁汁任君選擇添~

有跳舞表演睇，我被邀請出去一齊跳添﹗