20-12-2008：再會了，cebu﹗

由 Rita 於 2008-12-20 00:00:00 發表 | 累積瀏覽 420

分類：

其實旅程o既最後一日都只不過係起身、食早餐、搭飛機走，不過我都要寫一篇blog，有頭有尾嘛~

我o地朝早十點鐘就有專車接我o地去機場，之前o既plan係，起到身就再去玩一玩水先走，因為番到香港就變番冬天啦嘛，要等好耐好耐先再有機會玩水，不過，大家都可以估到個outcome…呵呵，當然係賴床賴到夠鐘啦~

執好行李，影埋D未影o既相…

臨走先formally影一影我o地o既沙灘小屋…(註：呢件tee就係之前o個晚係SM mall買o架啦~靚﹗)

臨走先formally影一影食早餐o既合照…確實resort o既早餐好豐富呢~種類好多~要嫌o既就係，熱騰騰o既東西唔係太多~

臨走先formally影一影resort o既中央泳池，呢個泳池就係正正係食早餐o既地方前面，我o地都未游過呢個泳池添~

等車時少少無聊…亂咁影﹗呢個好似涼亭o既地方係resort o既lobby，雖然冇冷氣，但好涼快o既~我o地入住時就係坐左手邊o個D golf車去小屋o架啦，後面係resort唯一o既小商店，我o地買o左cebu city o既地圖，靠佢去逛街逛景點﹗同埋之前打billiard、上網編更表都係呢個小商店旁邊~

怪醫秦博ta﹗有幾條白頭髮﹗越來越似一個名醫了，呵呵~

出發去機場啦，專車接送，時間當然係太充裕啦~我o地又有$$用剩，要好好花一下﹗

不如再飲多似shake shake啦，我要o左berries+香蕉shake，day o既係芒果shake~

cafe裝潢都幾靚~

之前買落o既postcard一直都未寫添，就趁呢個時間快快寫埋佢，睇下趕唔趕得切寄先~

係機場o既商店day買o左呢支小結他，估唔到音色都唔錯喎~day，你番到o黎有冇彈支結他o架？我又係D商店買o左一隻眼鏡猴公仔，點都買一隻留個紀念吧﹗其實再買其他o野唔係冇興趣o架，只不過要講價實在太太太太煩了…我o地都係坐下等上飛機算lu~

候機室

排隊上飛機啦~

多謝爹爹臨時出場接我o地機﹗攬一個攬先﹗thanks~

雖然買o既o野唔多，但都展示一下啦~主要都係買D零食請下大家食，芒果乾當然係must buy item啦，而且買o左眾多blog主推薦o既7D牌芒果乾﹗day見只有另一隻牌子貴過7D，就話要買一包o黎試下喎，唔知試食結果如何？另外又有D魷魚乾、花生之類~大致上係咁啦~

cebu之旅講到呢度，大家隨便發問啦~heehee~

cebu之旅完滿結束