7-11-2013：西班牙day 8(part 2)．阿卡乍堡之美麗庭園@Sevilla

唔明白點解有咁多阿卡乍堡，係咪阿卡乍係一個特別o既名字？之前去Cordoba又有阿卡乍堡，Granada o既Alhambra裡面又有阿卡乍巴城堡，Sevilla又有阿卡乍堡，因為阿卡乍太繞口，我哋兩個簡稱佢哋做「炸堡」，好似啲漢堡o既名，哈~不過幾個炸堡之中其實今次行Sevilla呢個行得最開心，可能因為我哋終於唔租audioguide了，唔駛俾「聽唔聽得晒」、「租咗唔聽唔抵」呢啲心理影響咗，純粹o既去欣賞建築o既美、花園o既美，亦唔需要花咁多時間係度聽聽聽，我哋有更多時間影啲靚靚相~所以唔好做資料o既奴隸丫~

一入場就係一個美美o既中庭了，四面建築環抱住翠綠o既花園~今次仲有少少粉紅花花做點綴呢~

呢張相o既構圖一啲都唔靚，但喜歡我真情流露、喜孜孜o既樣子~:D

參觀咗一個瓷磚藝術o既展覽，相中係耶穌苦路~

經典o既穆斯林宮殿、庭園設計，大家睇咗之前嗰幾篇blog，應該對呢種庭園唔陌生了~

穆斯林o既建築唔可以畫上人像、動物圖案做裝飾，而經常會出現文字係牆壁上面，應該係可蘭經o既經文吧？

優美o既庭園~

非常典型o既幾何圖案地板+牆壁設計~

今次又欣賞到精緻o既雕刻呢~

對於古時嚟講，呢啲宮殿應該算係非常華麗的﹗

庭園中今次終於唔係橘子了，而係佢o既近親—-檸檬~

開始進入超大御花園﹗﹗周圍設計各不同，富有趣味~

橘子橘子橘子~

扮少女~

雖然唔知咩典故，但呢度應該係其中一個重要景點吧，因為聚集咗特別多人~

咁個水池都確實幾靚o既~

象徵皇家o既獅子﹗做出嚟又變得好可愛呢，唔係英氣勃勃o既形象…

有學生嚟參觀，呢班嘩鬼超級嘈呀﹗﹗﹗老師應該想佢哋嚟感受下歷史文化吧，但佢哋we-wa鬼叫o既係因為…

呢啲好活潑o既魚魚﹗﹗啲細路又餵佢哋又尖叫，令花園增添唔少(過多o既)活力…>.<"

魚魚唔會令我尖叫，但令我尖叫o既係，花園裡面居然有自由走動o既孔雀﹗﹗自由走動o既孔雀我以前都見過，但冇近得咁交關囉，大家要知道，我部相機個zoom唔係二三十倍嗰啲嚟o架，真係好近﹗之前去印度都見過野生孔雀﹗(請參閱：14-5-2008：大步跨過)

咖啡座後面o既花園更大~

又唔逼人，就好似只有我哋兩個係度賞玩遊覽咁，甚好甚好~

好喜歡呢幅超巨型o既綠牆﹗﹗

右邊嗰張係咪完全唔乎合我o既個性呢，話說之前係某啲庭園位置有個男士幫佢o既女伴影相，女子o既pose就類似我右邊嗰個喇，不過個女子係著住美艷o既紅色+化妝~等我又學下佢先~超大花園除咗有遊客之外，仲有好多寫生o既畫家們呢，近距離望下佢哋o既畫作，似乎專業業餘o既都有噃，而且藝術無年齡界限﹗阿伯大叔大嬸青春少艾都有，大家都好正式地著白袍+有畫架呢，唔理畫得好唔好，係咁好o既天氣，咁好o既環境度作畫都叫人身心舒暢啦~

待續

前住其他西班牙旅遊blog

============================================

感謝 Rita 提供以上資料

Rita的網誌: http://www.wufamilyblog.com/~rita/

============================================