23-2-2010：海洋神話號day 4．越南小鎮會安

由 Rita 於 2010-02-23 00:00:00 發表 | 累積瀏覽 353

分類：

去咗下龍灣玩咗一日之後，上船休息一晚，第二日又抵達另一個越南港口lu~今次落船o既港口叫峴港，因為峴港係一個偏遠o既地方，大家可以join唔同o既郵輪搞o既tour去唔同目的地遊覽，我哋就決定去會安，感受一下小鎮風情~

因為上岸o既時間比較晏，所以早上我哋都仲有好多時間係船上享受一下先呀~我哋去咗Romeo and Juilet餐廳，慢慢嘆咗個早餐~

環境好啲﹗氣氛好啲﹗比起上去Windjammer更有情調呢~

帶咗嚟…佢只有一次出場機會﹗

大富翁交易牌﹗呵呵~你睇我o既實力幾雄厚~好似有少少蝦佢哋新手上路添~睇下媽咪手上o既牌，其實佢都好有potential o既~

我哋係度拼搏時…

姐夫…各適其適﹗zzzzzzzzzzz…………zzzzzzzzzzzzzzzzzzz~~~~~~~~~~~~~

上岸lu~

可以係岸上睇番宏偉o既Legend of the Seas~

我哋搭上小巴，出發會安，好似都搭咗兩個鐘？﹗個導遊係車上講解都幾informative，但好似重覆又重覆呢~(不過而家都唔係好記得佢講o既嘢，只記得有條隧道好勁咁~)

其實都差唔多到lu，旅遊車停係一間大理石雕塑廠俾大家方便一下，呢度影出去o既感覺我覺得好印度呢~

去到會安都過晒食飯時間，我哋先搵個地方食飯，去咗家姐係旅遊書一早搵到o既cafe~要試一試會安o既特色食物~沿住河邊，有好多好有異國風情o既cafe、餐廳，難怪有咁多外國遊客嚟度假~

cafe o既裝飾走懷舊路線~食物都係越南食物為主﹗我除咗食特別推介o既白玫瑰(左上角o既餃子)、豬肉乾麵、牛肉河粉(pho)之外，仲叫咗啲春卷呀、炒麵呀等等~都好豐富~

呢條就係我講o既河了，有興趣o既話可以租架船仔泛下舟~不過我哋時間唔足夠呢，所以都係四處逛下算數了~

越南o既市場~

小鎮o既街道~其實會安呢個小鎮因為已經被「旅遊化」了，所以小鎮上面賣o既東東，已經失去原有o既味道，貨品越大多數都係紀念品、藝術品之類，專門討好外國遊客嗰啲~我哋都冇乜睇中咩嘢買呢~

河畔留影~

哈，唔係iphone，而係ipho？﹗講多一次，pho就係牛肉湯河粉了﹗

會安景點，好似叫中國橋？隔得太耐，都唔係好記得添~

番去旅遊巴o既路上，路過一間小學，原來越南o既學校係咁o既~

因為每一晚都係去Romeo and Juliet餐廳，影過好多食物，都搞唔清楚邊晚打邊晚，見到右下角o既芒果cake，我就記起…因為會安回程需時，我哋食dinner又係食「早場」，所以我哋返到去都晏晏地lu，要盡快交個場俾「晏場」o既客人，所以呢個勁好味o既芒果cake我係塞塞塞塞塞入口的，好可惜啊~

食飽飽去睇show，介紹係來自澳洲o既天籟之音Tamara，原來係一個華人，係亞姐出身o既左戎，原來都有唔少人認得佢喎，我冇留意亞姐，都唔知道，但佢唱歌真係幾好聽，而且歌o既variety都好大，有唱啲外國英文情歌，又有唱中國小調、民歌、懷舊歌，都唔錯~

我哋房今晚o既towel art係天鵝呢~

待續

前往其他遊輪旅遊blog