28-5-2013：釜山麗水day 4(part 2)．恬靜與哀愁的戰爭紀念、現代美術館

由釜山博物館步行就去到我哋下一個目的地—-聯合國紀念公墓~

呢個地方點講呢，有一種複雜o既感覺，環境非常優美，樹呀、草地呀都好翠綠，玫瑰花都開得好燦爛，照顧得一絲不苟，但因為主題係記念戰爭中死亡o既士兵，所以充滿住哀愁，好似唔應該「享受個綠油油o既環境」咁~

入到去就馬上見到好大好大好大o既墓園，每一個係地上o既碑，連一個小花圃，屬於一個亡魂，有啲有名有姓，有家鄉，有出生年月日，但有啲連identification都冇﹗﹗真係冇咗條命都唔知為乜~

打理得非常好o既花草樹木，雨後，盛放o既玫瑰更美~

墓園劃分一個個國家o既區域，有啲真係大到慘不忍睹~

適逢有儀式舉行，見到升o既旗同奏o既國歌好似係法國，唔知係咩紀念活動？

呢度o既名字更多，點解人類唔可以係戰爭之後汲取教訓呢？又話我哋學歷史係要避免犯相同o既錯？點解而家啲人都仲係咁鍾意用武力解決問題呢？

參與南北韓戰爭o既國家~

呢度陳列出每個國家動用o既兵力、所作o既犠牲…

呢度叫做無名英雄之路，以記念嗰啲犠牲咗生命，但冇辦法追尋姓甚名誰o既烈士~

我都話呢度似個公園，行到墓園o既盡頭，有個小池塘，仲有小鴨鴨呀~

因為唔想走回頭路，我提議係墓園o既另一邊出口出去，嗰度係邊度？唔好理啦，出到去，求其跳上架去到地鐵站o既巴士咪ok囉~路經一個雕刻公園，但啲意境好似太高深，都唔係好知做緊乜…

不過so-called隨便搵架去到地鐵站o既巴士都唔係咁易，首先要搵到條大路先，我哋行行下終於見到多少少人，搵到條大路，但條路真係好闊，要行一段路先搵到過對面o既行山天橋，站o既位置又唔係好sure，啲巴士去邊就更加唔知…anyway，我哋最終都上到架巴士o既~ ^_^"

我哋過去centum city嗰邊，其實嗰度去睇幾樣嘢啦，一來要視察一下centum city入面spaland o既景況，因為打算最尾嗰日去，但地點、環境係點我哋都唔係好知，可以去睇一睇先~另外嗰邊仲有BEXCO，係類似會展o既地方，旅遊書都有講，另外附近有免費o既現代美術館，我哋都打算去一去~

現代美術真係冇界限呢，唔入展館已經有設計師好搶眼o既作品係大堂﹗﹗

好喜歡呢個，一張張畫有個燈膽照耀黑暗o既房間，而正正係畫o既後面真係裝咗個發光o既燈膽，所以畫中透出非常自然o既光線呢~

另外一系列我都好喜歡o既作品，藝術家merge咗現實同畫作，一部分係嚟自照片，一部分係用手畫出來的，放埋一齊又好自然bor~

好似馬賽克拼成o既人像畫…

其實係由大大小小唔同顏色o既蝴蝶拼成~

現代美術館都有配合一家大細呢，地庫嗰層係小朋友展館~有好多互動o既項目~

其中我都有坐低玩o既拼圖啦~

又見到貼咗堂o既小朋友習作，即使唔識睇都覺得好可愛呢~

呀，我之前有冇講過，舊年同今年去韓國，我個人有咩分別？我其實係呢段時間買咗啲書自學咗少少簡單o既韓文，其實有把握o既都只係睇住識得拼嚟讀，咁有咩用？因為韓文其實有好多都係外來語，有一大部分音係好似中文or英文，如果識得讀就明多咗好多東東~之前一直最有用o既就係搭車時識得睇住啲站落啦~

今次呢個就有用喇，話說day行行下話想去廁所，佢話記得樓上嗰層有廁所，我望到呢個指示牌，我話，唔駛上去啦，呢度咪有囉~事關呢度只有韓文「hua-zang-sil(化妝室)」，就只有我識睇喇，呵呵~(沾沾中…)

待續

前往其他韓國旅遊blog

============================================

感謝 Rita 提供以上資料

Rita的網誌: http://www.wufamilyblog.com/~rita/

============================================