31-10-2007：用新電腦打的第一篇diary

由 Rita 於 2007-10-31 00:00:00 發表 | 累積瀏覽 312

分類：

ORTHO + FAM MED WEEK 2 (WED)

yeah yeah yeah~之前訂o既新notebook終於送o黎了﹗好高興啊~要即刻開o黎試試試﹗其中一樣就係打blog blog了~

講番今日o既事先啦，今日上堂其實好輕鬆，只有一堂10:30am o既clinical audit meeting之嘛，下晝零堂要上﹗記得我參加o左H5N1疫苗o既clinical study嗎？今日又要去「覆診」了，個study有改動，由一年變成四年喎，變相賺多o左，但唔知到時得唔得閒定時定候番o黎呀？今日主要用我o地講解D改動，簽番同意書，見姑娘、見醫生，抽埋血就走得﹗抽血時我聽到佢o地同個姑娘講：「今次你試下抽啦~」死火﹗「試下抽」即是經驗極少﹗結果如下：

督第一下冇血出，督第二下佢o地唔記得o左換個新樽，冇o左vacuum suction，要督第三下先ok，所以其實我左手都有一個洞洞o架，不過要拎住相機，所以唔可以影埋…慘~今次呢$300真係唔易賺…諗番每一個洞洞$100好似冇咁慘…

個clinical audit meeting要兩個鐘呀，估唔到咁長呢，中途有少少悶都瞓著o左添~但我覺得呢個meeting好過surgery o個D好多﹗起碼有D o野學下丫嘛~

下晝冇堂，索性走lu~第一次去呢間舖頭食o野~

係金風附近o既柏道，叫做coffee book，我見到呢間o野好耐o架啦，一直都未試過入去，今次即管試下啦~

望落去都幾別緻吧﹗原來除o左飲咖啡之外午餐都有得食pasta o架喎，我叫o左個海鮮咖喱意粉，飲咖啡，另外加埋芒果布甸都係$28咋~雖然味道一般般，但都幾抵食o既，難怪有咁多中學生~

由我個位望出去係窗口，兩旁有高高o既書櫃，呢度有好多二手書賣o架，不過大多數係英文書~我有諗過買本印度o既lonely planet，只係$30咋，但始終太舊版，1997年o既，都係唔好了~

食飽飽番去金風，之後當然係瞓陣晏覺啦，起身就夠鐘出門口lu，今日打算去gym gym上兩堂﹗係kenny教o既yoga-fit同埋kick-boxing，呢兩堂其實真係完美o既配搭，一靜一動，一伸展一鍛鍊，上完kick-boxing真係成身汗，非常舒暢﹗

一落堂就趕番去lu，因為day過o黎食dinner，要番去煮，本意係佢陪我試新電腦o架，點知差唔多十點鐘先送到o黎，day同佢都係緣份未到呢~今晚煮o左炒紹菜同埋蒸排骨，用blog友uHnsUi介紹o既方法，當日式麵鼓係中式黃豆醬咁用，今次蒸排骨效果都唔錯丫~

我o地睇完一齣又一齣o既電視劇，部電腦都係未送o黎呀，day留到9:45pm都係走啦~可惜可惜﹗差唔多10:00pm先送到~

要開箱lu，好緊張﹗

我部新notebook係dell o既inspiron 1420~

揀o左白色機殼，好靚吧~