4-12-2007：媽咪生日快樂﹗

由 Rita 於 2007-12-04 00:00:00 發表 | 累積瀏覽 355

分類：

媽咪happy birthday~~~~~~~~~~

今朝都瞓到好晏呀~成九點幾十點先起身呢~所以都爽爽快快出門口了~既然今日都要出九龍，就利用今日去試下荃灣個gym啦﹗直接出去荃灣咯~

其實想去荃灣o既physical新鋪好耐lu ，因為D poster話係最大o既分店，又有好大好舒適o既休息區，又附有腳底按摩、美甲服務甚麼的，好想睇下咩一回事~但上次去開荃灣搵唔到呀~今次終於去到了﹗做gym前去食lunch先，見到o個個商場有個「美食廣場」，呀，咁就腳，係o個度食啦，所謂o既美食廣場，原來得一間鋪﹗太過份了 ~因為唔太餓，所以叫o左車仔麵，哇，以後都唔幫襯呀 ﹗雖然好平(兩餸車仔麵+凍奶茶=$17)，但質素太差﹗雞翼得一隻，菜就三幾條啦，D河粉碎到夾唔起，而且碗粉勁油，我食完D餸都唔想食D粉，要獲得o個D carbohydrates要付上食好多fat o既代價﹗加上佢叫乜冇乜，想飲凍豆漿就話冇，想要瀨粉又話冇(註：餐牌上面係有寫的﹗)…太失望了~

荃灣physical果然好大，器械區比起任何其他一個我去過o既分店都要大，而且上堂o既室有三個，一個for跳舞、aerobics o個D，一個for yoga、pilates、一個for單車班~地方當然又新又靚啦~更衣室都好大，但唯一唔好o既係，由健身區去更衣室所行o既樓梯好似係商場o既公眾樓梯？總之係後樓梯咁o既款啦，唔似得尖沙咀喜來登咁有私家樓梯+扶手電梯，or好似利舞台分店咁有私家樓梯o羅~今日我上o左一堂yoga，一堂單車班~yoga很好呀，好耐冇上過了﹗單車班要鼓起好大勇氣先上到o架，因為上次上時勁辛苦﹗今日冇咁辛苦，可能因為instructor係女仔吧~沖埋個涼舒舒服服就出發去旺角咯~

第一次搭「港鐵」﹗我以為gym係沙咀道旁邊應該近西鐵站多過地鐵站啦，點知都要行好遠呀~今日出旺角o既路線係搭西鐵轉701號巴士~都幾方便o既~但好明顯呢條路線比起搭地鐵貴得多﹗其實，雖然話「合併」o左，但其實仲有好多地方見到九鐵o既雙箭頭logo呢~

7:00pm先食晚飯，決定去pacific coffee消磨我所有o既時間，叫一杯tall o既today’s special，一件cookie，陪伴我睇nephro o既textbook~雖然冇梳花椅坐，但環境都幾舒適，最唔舒適就係我戴o左con o羅，隻眼乾乾的，睇o野又唔清喎(我對con冇配散光~)~

今晚去帝京酒店o既「花月亭」食buffet慶祝媽咪生日，呢個就係由我o地個位影出去o既景觀了~

花墟就係帝京酒店隔離，媽咪有福了，我買o左一束太陽菊送俾媽咪~靚嘛？

當然唔少得我嫲大派利是啦~指定動作﹗before anything，一定要派利是﹗

大家食得飽飽的，暢談甚歡﹗帝京酒店都唔係我o地食開buffet o既地方，爸媽以前同同事o黎過，我都係第一次去食咋，好多食物都唔錯呢~

之前掛住jap jap jap，食到甜品先有影相添~右上o個個橙肉奶凍杯勁好味呀﹗朱古力噴泉o個舊菠蘿都好甜~

食飽飽行出去，見到有棵靚靚o既聖誕樹呢，影張相先~

番到屋企，由我負責插花，我真係零藝術天份﹗救命﹗

好在D花本身夠靚o者~

好似好優雅咁，有新鮮花伴住我用電腦~係呀，我換o左新wallpaper呀，呢張相係上星期同day同埋D中學同學去影畢業相時影o架，好鍾意呢張~我遲D會post番o個日o既diary了，密切留意啊﹗

今晚想早D瞓，我諗我個fam med功課都係未完成得住喇~