23-9-2007：思維靜院避靜day2

- 因為前一晚早瞓，所以呢朝即使要早起身早禱都唔累~都幾好瞓呀~

- 早禱繼續以o個本書仔做藍本，收錄o左詩篇同埋其他聖經章節，串連埋一齊變成禱文，咁樣o既早禱、晚禱都幾好~

- 原本有出去「行路」o既活動，但一號風球+大風大雨，取消了﹗雖然少少可惜，但亦因為咁，彌撒改o左朝早舉行，咁我就可以參與彌撒了(原本下晝先開彌撒嘛，但我中午後就要走，本身參與唔到~)﹗

- 修士搵眾人volunteer承包彌撒o既工作，讀經呀唱歌呀甚麼的，我舉手volunteer帶唱歌，我都俾o左心機揀歌o架，為o左要符合「與主同行」o既主題，我揀o左「上主是牧者」同埋「與基督同行」呢D歌，少少沾沾啦~呵呵~

- 食完lunch就先出camp了，下晝有事幹~係船上呼呼大睡﹗

- 約o左孝女會聯會o既女生們「穿珠珠」﹗我o地下星期三去探訪安老院，會送呢D「五餅二魚」o既吊飾俾佢o地做禮物，好靚啊~都幾易整o既，不過我唔係「妙手小ta ta」，四個人之中我穿得最慢﹗真係辱沒o左有「子彈ta」之稱o既威名﹗

- 等女生期間，係紅磡呢個商場o既food court買o野飲先，珍珠奶茶$15，但厚多士+珍珠奶茶o既下午茶餐居然都係$16﹗梗係買套餐啦﹗但其實咁樣反而犧牲o左自己o既身材…

- 趕番屋企食dinner，嫲回來了，我都wondering究竟今晚算唔算做節？﹗因為好豐富，但嫲次次番o黎都係大製作﹗anyway，後來先知道，正日o個日先係做節﹗因為，更豐富﹗

Google+

Rita Wu

============================================

感謝 Rita 提供以上資料

Rita的網誌: http://www.wufamilyblog.com/~rita/

============================================