10-8-2007：自家曲奇

哇~放假lu，放假lu~假期o既第一日﹗

出發去沖繩倒數6日

之前有冇提過呢，呢個假期會同屋企人去旅行，去日本o既沖繩，不過只係去四日咋，家姐都冇咁多假期~我開頭都以為specialty clerkship o既壓力會大到用晒呢個假期o黎讀書，似乎嘛…我都可以先好好休息一陣﹗

因為放假，所以可以超級放肆的瞓瞓瞓瞓瞓﹗估下我今朝瞓到幾點，哇，一覺醒來已經11:15am﹗實在太恐怖了﹗尋晚媽咪提過，如果今朝天氣好就會出去行下山嘛~不過結果今朝大風大雨，所以由得我瞓o羅~

食完早餐冇幾耐又食午飯了~午飯後同媽咪出去剪頭髮o羅~雖然當時一號風球，但係屯門都幾風平浪靜喎，連雨都冇乜點落添~不過係剪頭髮其間就掛o左八號風球lu~髮型屋都非常專業，佢o地都專心一意咁服務埋我o地先至收工﹗剪o左頭髮都ok滿意o既~其實都只係修一修短少少，形狀都冇乜點變~媽咪話上次剪完個樣好細個，似學生妹，今次都係好細個咁，但比較現代喎~

剪髮後買D東東就番屋企啦~成街都係人﹗梗係啦，全香港o既人都同一時間放工番屋企喎~番到屋企，家姐都放o左工番到o黎lu~

下晝o既節目繼續都係自己玩咋~買o左D材料番o黎，跟住上次書展買o既新書o黎整o左曲奇餅﹗老實講，今次呢款真係幾好味o架﹗

餡料係花生粒﹗

要分開四盤o黎焗，到焗好時已經食晚飯lu~

食完飯睇下電視咁啦，後來又搵D舊相o黎睇睇，點知係櫃入面俾我發現呢樣物件﹗

哇呀~~~~~~~~~~我成個paedi block係度搵搵搵，搵o左咁耐都搵唔到，尋日終於考完試喇，就即刻出番o黎啦~冇得平時clerk case用啦，都好o既，起碼下年考final時有得用…哎吔吔~

唔，我都要去沖個涼，今晚早D瞓lu，聽日已經係下個block外科rotation o既briefing，之前約o左同學仔食飯~要少少早起身﹗goodnight~

Google+

Rita Wu

============================================

感謝 Rita 提供以上資料

Rita的網誌: http://www.wufamilyblog.com/~rita/

============================================