5-11-2006：好友畢業，恭喜~

由 Rita 於 2006-11-05 00:00:00 發表 | 累積瀏覽 532

分類：

今朝冇去聖堂呀(唔係唔去，係夜晚先去~)，因為今日約o左佩珊同阿金影畢業相﹗恭喜晒 ~

首先約o左mandy同古古早少少係花墟買花，哇，好多款式o既靚靚花，最後我o地揀o左桔梗同埋太陽菊﹗再配番D襯托o既小花，兩束花一人一束﹗靚~因為係花墟，所以花本身唔貴，但俾舖頭o既阿姐姐幫我o地紮成花束，人工費就貴o左好多lu~但都冇辦法啦，我o地又唔識又冇時間~

佩珊久等了，我o地坐小巴過去九龍塘，同埋阿金食lunch，岑敏慧都係度呀~真係同佢10萬個耐冇見，恐怕自從中學畢業之後都冇見過lu~大家o既打扮都變成大人了~而且同枱食飯發覺鬈鬈頭真係好流行﹗6個女仔有4個係鬈鬈頭﹗結果係city o既canteen食飯，原來city個canteen都幾靚喎(起碼靚過HKU好多﹗)，我o地入o左一個稍為名貴少少o既範圍，我食o左白酒香草藍青口意粉(聽個名已經覺得好grand了~)，雖然好似好勁咁，但加埋飲品都係$30 o者~下次去又一城時可以過去食喎~

食飽飽就開始影相了，先去city，阿金做主角﹗(註：因為我部相機唔係主要用o黎影，所以得好少相咋，我揀o左o既都未必係最有代表性o既相呢~)

因為碰到岑敏慧，當然要同佢影番張啦~

我o地買o左花束送俾佢o地咋，呢隻畢業tamama係岑敏慧o架咋~

雖然唔係特別鍾意keroro系列，但呢隻tamama的確好可愛﹗

影完city就過去BU lu，經過又一城~

食雪糕呀~~~~~~~我呢個係野莓味 ﹗好好味呀~古古有coupon，所以大家都受惠了﹗謝古古~

坐係溜冰場側邊食雪糕時忽然見到對面扶手電梯位置冒出D粉紅色o既煙﹗最初以為係咩活動o既特別效果，但見到又一城職員神色凝重咁同walkie-talkie聯絡，就知道真係有事發生了~其實都幾驚o架，但香港人普遍都係比較「好奇」，即使有呢D咁古怪o既粉紅色氣體，但依然好多人衝過去湊熱鬧o羅(當我o地係度討論應該點樣逃離現場o既時候…)~後來又一城開大個抽氣扇，漸漸D煙就越o黎越淡色了，我o地無論如何都要經過o個邊先去到BU，於是咪掩鼻衝過去o羅，唔多唔少吸入o左D氣，都幾嗆鼻o架~路過時望到有一大堆粉紅色粉末係扶手電梯o既地下，o個D氣體就係o個度出o黎o架啦~唔知新聞會唔會講呢件事呢？究竟係咩事呢？

繼續去BU影相﹗

係大學會堂門口見到一大班小朋友打扮作蜜蜂同花花呀，應該要表演吧，好可愛呀~邀請了一隻小蜜蜂同我合照~cute﹗

盡量想搵D合照，但呢個時候mandy又走o左啦~

因為買花時花太多，有部份包唔落個花束度呀，所以分開o左幾支出o黎﹗我同古古一人拎o左D走o羅~我比較鍾意桔梗﹗

離開BU時都6:00pm多D lu~趕趕趕番屋企﹗因為食完飯之後要去8:00pm彌撒呀~晚餐有林太俾我o地o既牛展﹗正呀~

彌撒係金神父主持，星期日晚o既彌撒一般都比朝早o既短，因為係小聖堂舉行，唔會彈琴唔會唱歌，但今日到天主經時，金神父叫我o地唱呢~oh no~因為冇俾第一粒音，所以大家各自起唔同o既key，超搞笑，唱到最尾都仲係有好多唔同o既key，又和音又撞音咁…