31-12-2006：馬來西亞之旅．完美的句點

由 Rita 於 2006-12-31 00:00:00 發表 | 累積瀏覽 406

分類：

DAY 7 @ MALAYSIA: KUALA LUMPUR–>HONG KONG

終於到o左馬來西亞旅程o既最後一日，但因為呢個package真係超抵，係極端o既早機去晚機返，六點幾飛機呀，所以即使係最尾一日都有全日去玩呢~

最後一日食酒店o既自助早餐~見到頭頂o既波波嗎？係為o左除夕倒數party所做o既準備o黎o架~係餐廳o既正中心位置仲有一個大網包住好多好多個波波，恐怕係一倒數到2007年o個下就會全部一次過跌落o黎吧﹗見到我件tee？係呀，係langkawi时買o架~真係超平﹗即使係旅遊區，呢件tee賣RM 6，即是港幣$14左右﹗哇~

食完早餐享一享用酒店o既泳池呢，係室外泳池，環境當然冇langkawi o個陣咁正o架啦，但都幾好啦~最衰係有班好嘈好嘈o既人，爸話佢o地可能講俄文喎~D女人又係池邊食煙喎，D佬又嘈﹗破壞晒呀~不過我o地都游得唔係好耐咋~

之後出去酒店附近逛逛，後面就係我o地間酒店lu~其實係慢慢散步去雙子塔，其實雙子塔就係我o地酒店附近之嘛，游泳池度都見到o架~

雙子塔下面係一個巨型高級商場，好多世界級o既名牌都有舖頭係度，本來呢個地點、建築、店舖都應該係非常高級o既~但唔知係因為太多遊客丫，定係個food court太平，抑或隔離個公園好多本地人假日o黎玩…成個商場勁多人o羅﹗﹗﹗ifc o個D高級商場通常人流都好疏落家嘛~

雙子塔外面o既公園﹗我笑到係咪「懶cutie」咁呢，呵呵，有段故事﹗我：「你影相做乜木口木面o既？」爸：「你又唔提醒我要笑﹗」「哦~咁你陣間都記得提我笑喎~」…爸幫我影相…爸：「笑~」「hee~」就係咁了﹗

公園入面仲有一個俾細路仔跳入去玩o既嬉水池﹗好高興啊~我覺得香港都需要呢D o野，香港D細路太鍾意打機，太鍾意匿埋屋企收埋自己了﹗年輕人應該多D戶外跳躍D o既活動嘛~但家姐指出D好實際o既問題，係香港如果起個咁o既池，又要好多regulations，又要有幾個救生員，又要維修保養，真係代價好大﹗hee~見到光脫脫細路嘛？我叫爸特登捕捉o架~

吉隆坡landmark雙子塔o羅~

我o地就係個food court度食lunch o羅~呢個food court真係勁到嚇死人，淨係就咁係D舖頭度行一轉我諗都行o左10-15分鐘﹗有成十幾廿間舖呀~好難揀呢~樣樣都好好味咁，又平(係唔符合商場高級格調o既平~)﹗結果揀o左印度咖喱，因為馬來西亞其實有10% o既人口係印度人o黎o架，所以咖喱都比較正宗，而且我都有少少係貪o個塊薄餅﹗估下我呢碟精美o既咖喱(咖喱雞+菜+炒飯？+薄餅)幾多錢？RM6咋﹗﹗﹗即是港幣$14左右﹗實在太離譜了﹗再買多杯美祿(RM2，即是港幣$5左右~)都唔過$20﹗﹗﹗太抵了﹗又好味喎~噢，好過份﹗景觀又靚，係望住個公園o架~

之後夏叔叔接o左我o地番佢o地屋企，我要趕住寫postcard呢~最後一日了，再唔寄就唔駛寄啦~呢幾張我都好鍾意﹗寄o左俾人又冇o左咯，要記錄低，馬騮啦(對我有特別意義…詳情請參閱day 3 o既diary~)、靚靚蘭花同埋雙子塔~

要走lu~夏叔叔一家送我o地去機場呢~

搭機場入面o既穿梭鐵路去我o地要登機o既terminal~

byebye malaysia~多謝你俾o左我o地一個精彩、愉快o既trip呀~thanks~

番到香港已經夜晚十點幾lu~一開番個電話，oops﹗好多關於孝女會o既留言﹗哎吔吔，即是飛線去阿day度失敗o左啦~

馬來西亞之旅完滿結束~

前往其他馬來西亞旅遊blog