踏入第三天，一早起身個天陰陰暗暗，唔通今日泰國有事?有冇事都好，都係食左個早餐先算。
出發去玩啦，但原來冇哂現金，咁諗住去SUPER RICH到唱啦，點知冇開門，好彩隔離仲有另一間可以唱，但多人到嘔囉。
今日既行程咪又係主要係SPA，但BOOK左下午，咁我地就行下BTS沿線。行下行下，經過一個商場都唔記得叫咩名，係我地10年前成日去既商場。上面有個FOOD COURT，食冬陰公米粉好好食既，既然經過，就上去睇下仲有冇啦，點知真係有。又食!去旅行時既食量真係大都冇人信~~!!
點知，唔好食既~!
食完就坐BTS去Asoke，行下個乜鬼Terminal 21。唔知係唔係香港太多大型商場，我對呢類商場完全係冇興趣。
之後就去做SPA，呢間野老婆上年黎過話好好。先做腳，後做身。
做完出黎，又到黃昏，唔駛問又係去食飯。我地一早預左去Aslatique，個環境好靚的。咁就先要去BTS Saphan TakSin，今次就坐另一隻免費船去Aslatique。
其實呢到即係一個新既跳蚤市場，不過只係空空如也。今晚打算食2餐，所以都係拿拿林開餐。食乜?當然又係泰菜啦。
返到酒店附近又未再肚餓，再去BIG C博命。之後返酒店小休一會，開電視，天天都係播呢D野架啦。
係Central World出面，係好出名既夜市，黎呢到四日，一晚都食過就真係對自己唔住，去食下啦。
食完接近10點，霄禁時間就快到，條街真係少左好多人同車。
============================================
感謝 龍人遊記 提供以上資料
龍人遊記的網誌: http://dragonman-t.blogspot.hk/
============================================
