今年係少有地一日多節：年初一及情人節，剛好還是領聖餐的日子~
完全崇拜，refreshment時間好有新年氣氛，因為有年糕同蘿蔔糕食~
五點多就過觀塘拜年啦~~
堂細妹今日好受大人歡迎，因為佢既對答依然係咁好笑~
新年咁多利是，問大堂妹會點處理這利是，她說給媽媽 –> model answer~
到堂細妹，她說要留番大個買屋，要好靚既 –>點解讀幼稚園的她會有此想法？
後尾我表姐個女都到左，佢雖然都16、17左右，但因為輩份問題，
佢要叫我兩個堂妹做表姨，親戚們每次都要為此笑一笑~
今次還整古堂細妹：你係長輩喎，長輩要俾利是架，你快d俾利是佢啦~
堂細妹望一望，大家又多講幾句，最後佢都去左自己個袋拿利是出來，
不過就一路行，一路拿著封利是話"我有少少唔捨得呀…"，我媽咪聽到，
就話，你好唔捨得呀？咁好啦，唔駛你俾啦？haha~
就因為堂細妹呢句我有少少唔捨得，之後大家派利是俾佢時都話唔捨得~
真係搞笑~~
天氣凍，最好就係邊爐，一大班親戚，係屋內圍住兩個爐，特別暖特別好味~ ^^
