15 Aug 2008 - 美食博覽會

放左工後，係灣仔等埋Ana同阿恩，就一齊去美食博覽會，因為Ana有免費ticket，
我地入場當然不用錢啦~由於之前唔舒服，所以同唔到佢地去書展，睇唔到書之餘，
也見不到她們的另一半，haha~~不過今日就有機會見到啦~因為Ana的男朋友也會一齊，
我地四個入到會展，發覺真係好多人，仲好多太太們早有預備，拉著行李gip…
看來真是來掃貨的~因為會場冇限人流，又冇限行的方向，路中間又經常有大垃圾桶，
所以都行得唔順暢，唔單止這樣，我們還要留意身邊的行李gip以防被車過，
又要顧住身邊有冇人食緊雪糕或腸仔之類的以防衣服被弄髒~haha~
雖然是這樣，我們還是有試食及買到野的，當然不及其他太太們那樣大豐收了~
行完之後，終於唔駛迫啦~透氣行路都舒服哂~haha~雖然係迫，
不過因為都好耐冇來過美食博覽會，加上又可以同大家一齊有傾有講的行，
都是開心的~還知道了多些關於不同牌子的事，佢地三個還真是知很多呢~
行完，大家都餓了，去左灣仔食野，今次連阿恩的男朋友都見了~因為店舖快關了，
所以大家都要快快的點菜同食野，食完野，大家便開始分麵啦，因為剛買了一箱，
五個人分，剛好每人六包，價錢也剛好除得盡~haha~~食完飯，大家便一齊坐巴士回家~