22 Aug 2006 - 雨天

琴日先話覺得天氣回暖，點知今朝起身就發覺出面陰陰天，仲下雨呢~
氣溫當然又下降幾度了~見停雨，我就出圖書館還書，唔…
呢幾次去圖書館都冇尋夢園的書借呀…點解架~之後去買少少野，
然後回家啦~

 

今日想睇海賊王呀，但…點會咁架！
內容咁…悲既？之前睇雖然曾經都睇過一些令人傷心的，
但始終唔及今次，因為今次係同伴間既…分裂呀！點會咁架…
一開始佢地都好開心咁到Water7的地方，但…一切問題就由這裡發生…
Usopp因保護2億元而疲打致重傷亦因此而感到極度內疚；
一直陪佢地四出冒險的海賊船，因嚴重受損，連最勁既修船工都不能修理；
因為已經不能修理，Luffy係無奈下只能決定換過一隻船，
亦因此跟Usopp吵得很兇兼打起上來，而Usopp竟因此要離開呢個海賊團；
佢決意離開兼提出跟Luffy打一場…係咪因為內疚加上自覺會拖累佢地？
令問題更嚴重的，是Water7呢個島的市長係呢個島的偶像而他居然被…
Robin暗殺，因為咁，Luffy一行人成為整個島的公敵，
而Robin有日出現係Sanji及Chopper面前，說要同佢地道別，亦承認人是她暗殺，
亦是她刻意藉此嫁禍他們…原來佢係屬於一個叫CP9的集團，但…
我一直以為…Robin已經…真心願意成為Luffy佢地既同伴架…事情到底會點發展？
我手頭上就只差幾集就睇完啦…唔會睇到半天吊卦？