今日見毛毛精神番，可能佢開始意識到PiPi係俾人縳住，又或者佢訓醒覺，
精神番都唔奇~PiPi佢超級鐘意人摸佢，你一行開佢就吠，你行埋去摸佢，
佢就即刻成個定哂，合哂眼，一個極享受既樣~不過毛毛行過，
又或者我地行開佢都會不斷吠，所以，最後佢地都決定還番俾佢主人啦~
其實我估最大問題係佢同毛毛相處唔黎，而且大家唔係太鐘意PiPi咁熱情，
不斷撲上身~加上對毛毛感情始終深過PiPi，所以決定還番PiPi~
毛毛係偷食唔好je，但至少佢都任你摸、又靜、毛又軟又滑又白、
又唔會係屋入面周圍去廁所~不過偷食就真係要改啦~~~
今日睇報紙介紹全球十大最貴酒店，香港都有一間入左第九位呢~~
第一位係法國康城，一晚都要大約HK$300,000！哇…真係嚇人…
排第九位既香港洲際酒店總統套房都要HK$90,000左右~
對我黎講，有得參觀就好好啦~唔駛去住既~~去旅行最緊要開心，
唔駛一定要住得咁豪既，就好似我去Tasmania果時住既家庭式小屋，
大家都住得好開心，一齊煮野一齊睇電視~~而去Sydney時住既宿舍式房間，
張床都好舒服，訓得好好呀~~
晚黑bible study繼續上次既迷羊比喻，完左bible study，食少少零食，
之後就回家啦~
