係公司請左今日同聽日既AL，唔係因為奧運，而係因為今明兩日是CT camp~
原本是抽到了camp site的，不過因為申請人是女，所以晚上留宿的只可是女生~
但我們CT有女有男，而且我地都想睇北京奧運olympic，結果我地移師到元朗教會~
因為唔係camp site，所以便可一早安排活動，約了九點半在元朗教會等~
我同Sheena入到去教會，見大閘關了，以為沒有人在，但原來袁章在教會，
為教會做一些少裝修，而CT組，除了我同Sheena，大家都未到喎~haha~~
不過等左陣，Terry、珊、Dorcus、華仔同Ken導師都到左啦~跟住大家就去食早餐，
Kaho因為塞車，所以遲了些少~食完早餐既活動包括行去白鳥塔，可惜行到去，
因雷暴警句唔入得喎~除左去白鳥塔，也有幫手清潔教會的廁所、打乒乓波，
之後仲有唱下詩歌~唱詩歌途中多左special些演繹方法~
之後原本我地有想過踩單車的，但天雨關係，改了去游水順便可以沖涼~
大家游水都好唔錯，仲好長氣，可以閉氣好耐~我就論盡些，要勞煩好多人，
要Ken導師、Sheena同阿珊輪住教同帶住自己游，多謝哂同麻煩哂大家呀~
還有Dorcus，學得好努力，她都算是學識了，可以游到一段距離~
雖然自己未夠膽游，不過係大家既催逼加鼓勵下，第一次可以眼以下都在水底，
這是未想過的，我竟然望到水底呀~雖然大家還是在笑我為何游了差唔多三個鐘水，
頭頂竟然沒有濕~ :p 我們雖然只係得八人，但當中已經有兩位professional的運動員，
所以當Dorcus抽筋，Kaho同Sheena便可以即時幫她了~游完水沖埋涼就返教會，
哇…好多人呀，好熱鬧呀，因為教會搞了個小型運動會~
為了不阻住大家，我們坐了一會，便到附近買些小食，順便接埋Frances導師，
買完不同的街邊小食，便到了Ken導師家一齊食~原本大家在想好不好趕返教會看高清，
不過最後都留在導師家看opening至部分國家隊進場~大家對整個開幕表演都非常讚嘆，
那麼多人都可以這麼齊這麼合拍，真是非常難的！那個場景、構思、氣勢都好正呀~~
不過我們還是留意些無聊事，好似會擔心唔知那些表演者會否追得上，
又留意到有人的衣服沒著燈… :p趁國家隊還在入場，我們便移師返教會~
睇埋點聖火、跟住就幫手清理教會同時睇高清開幕重播~
