今日係youth負責refreshment,所以要十二點半番church,
行行下,離遠見到Eugene同Edwind,當我過馬路時,剛巧Kelvin行到過黎,
咦…咁搞笑既?佢地三個一齊住,點解佢兩個行先咁多既?
原來係佢地出門時,Kelvin先剛起身,哇,咁佢起身到出門口都好快喎~
我地行到番去,咦…野食呢?野食未到,我地唯有企係度傾下計先啦~
傾傾下,野食到啦~Aunty Cora遲到~~哈哈~~講笑啦~~
野食黎到,我地就快手快腳咁切好野食,又分好野食~
今日係Aunty Cora聖餐分享,之後係Uncle Kim講道~
完左之後我地食完野,就要幫手clean up啦~哇~好少可咁多人一齊clean up~
今日kitchen算多人呢~難得今日咁多人喎~ :p
洗完野,我同Winnie就行去Central行陣街,佢買左條裙~行番church時,
我地兩個一路行一路傾,結果…行錯路~呀…哈哈~~路痴的我們只能傻笑~
之後放happy出黎玩,不過happy差點嚇死我地,特別係Winnie,
因為happy衝左出馬路,平時呢條路唔多車,因為唔係大街而且係車路的盡頭~
但當時有架車駛過,哇!我當時冇望到那邊,但佢地望到既真係心都離埋,
Winnie當佢仔咁架,如果我見到我都嚇到心都跳漏拍…我望到時架車已過左happy~
哇…驚嚇…happy你唔好咁嚇Winnie呀~~乖先得麻~
之後佢地去打波,而Winnie就黎我屋企坐,因為我地兩個唔打算打波~
佢就溫書,我就睇書,間中都傾下計~七點幾佢地打完波,
阿Wing黎車我地去Aunty Tina屋企食dinner~今晚一路食一路傾既話題,
都好科學,但都好恐怖,講解剖呀、孕婦開刀呀等等…咦…聽到都好恐怖…
Aunty Tina話係電視睇的,俾著我一早關了電視…最怕這些的… :p