25 Apr 2007 - 要做苦力…

今日朝早去左另一個interview，見左一個鐘左右啦，問得我好詳細，
工作內容都好詳細，唔…要跟supplier講價…好明顯唔係我既能力範圍…
之後係shopping center既toilet換衫就去返part time啦~

原本頭兩三個鐘都係摺下衫咁，點知後尾…調左我去做"苦力"既工作呀~
"苦力"係因為將要做既野係去stock room幫手，今日stock room既人，
全部五點幾就放工，所以臨急要教我點做，雖然要做既野唔難，但…
好重呀…首先要去四層樓收回多餘的衣架，再拿去stock room分類入箱，
入好箱要封箱再疊起那些箱；另一個工作就係到每層收回alarm tag及pin，
哇…alarm pin還好，alarm tag好重呀… -_-由於衣架又多，alarm又多，
我每次只能收兩層，成個stock room得我一個，都搵唔到人幫我搬上去，
咁咪自己想法子疊佢上去啦~因為我係part time，冇員工卡，出入成問題，
所以其中一個同事留低張card俾我，要俾番張卡佢又係一個問題，結果，
我拿了去office既manager keep住~臨收工，都分唔切衣架，一個人都做唔到咁多…
真係做到我手腳腰都好累呀…好在自己都未至於捧少少野都唔得je~ haha~~