今日雖然都有點涼意，但好好太陽，最高會有20度呢~真好~~我地星期日果時想話去玩，
如果好天就去海灘，今日咁好天，絕對適合呀~朝早Andy八點九黎接埋我到Winnie家集合，
不過中途行錯了少少路，所以遲左去到~係Winnie屋企食個早餐，跟住就出發啦~
目的地係Mornington既beach~開兩駕車，有我、Winnie、Wing、Francis、Ian、
Andy、John仲有Happy~大約個多小時的車程，入到Morington大家係車塗太陽油，
到左beach啦~~~~好靚既海呀~~我地放哂袋呀、電話呀銀包等係車尾，換埋拖鞋，
只係帶飲用水落beach，Happy一落車幾興奮呀~~哇~~好大個海呀~~水好清，
幾大浪，沙都算幼~亦唔係太多人~開頭都有放Happy周圍走，但附近有人，
加上佢越叫越走，所以都係勾住佢係石堆處，不過…一個大浪沖上黎，
Happy好慘地想走冇得走，四隻腳濕左，好搞笑呀~~~有一段短時間唔太大浪，
所以可以行出少少，佢地執左隻海星及青口仔回來，睇完，就放番入海，
佢地話冇咁大浪時來的話可以行到好出，可以執到更多，當然係唔俾帶走的，
不過過下癮都好~但今日太大浪同埋好似潮脹咁，所以我都冇行好出，
條褲雖然摺到上大腿，但我腳又唔係長喎，一個大浪湧上來，實濕哂~
踼了一會水，跟住就玩數字球，亨…蝦我多數都接唔到波，成日都叫我個number既~
係我地玩緊時，Andy行左好遠去影相~玩左大半個鐘，休息下，拖埋Happy搵Andy，
原來佢都行左幾遠，中間有段路仲要攀高攀低的，又要睇住有冇浪沖緊黎，
趁浪未黎就要快手快腳攀下來行番上沙灘~哈哈~~Happy先搞笑，佢好怕落水，
佢地拖佢落水，佢係都唔行，但Happy又點夠佢地大力，係咁俾人拉左出近海地方~
哈哈~~搵埋Andy，跟住我地又行番轉頭，開始玩堆沙，我同Winnie堆火山，
佢地男仔就大工程啦，又橋又河又護牆，後尾我地仲將火山同那座橋用一條河道連結，
連住火山的一邊，我地就打通火山底同河，連住撟的那邊，就要打通護牆同河~
好辛苦終於有個初形，但就要拿水堅固那些沙，雖然那些浪經常都會撞到褲腳濕了，
但因為薄又黑色又好太陽，一會兒就乾了~終於完成了，大家就係一邊打大浪打來，
讓海水沖入我們造的河…但…等左好耐都冇，大家都餓了，兩點多三點，
於是決定走啦，去食野，就當我地預備走時，一個超大浪打來，唔只沖到河道，
幾乎將半邊火山及橋都蓋了~~哈哈~~臨走都被我們看到~~
上到car park，企係車邊洗完腳就上番車，跟住去買fish and chips坐係park到食~
之後一人買一杯雪糕食~之後就回程啦，番到Winnie屋企，Winnie同阿Wing幫Happy沖涼，
之後Francis回家，我地六個出去食野，之後就回家啦~今日去海灘真係好好玩呢~
