久違的餐廳@風月堂

 

15/08 朋友請食飯我又想食窩夫咁另一朋友就揀咗呢間餐廳 ,

 

之前都係因為想食佢既甜品先同食友去光顧銅鑼灣店 ,

 

但已經有好一段時間沒有去了及後有朋友告知才知銅鑼灣店已經結業 ,

 

咁啱得咁蹺某日由公司搭車出尖沙咀路經佐敦離遠望到佢個招牌 ,

 

可惜當時正處於裝修階段所以唯有去旺角店啦 !  ( 但新店已於8月19日開張 )

 

" 田舍風味燒烏冬 "

 

Set Dinner 頭盤 : " 鮮菌野菜雞肉多士 " 

 

原本應該係 " 鮮菌野菜雞肉釀酥盒 " 轉咗多士咁就有少少失色喇 !

 

" 免治雞肉釀冬菇 "

 

冬菇 ok 但免治雞肉就麻麻地

 

Set Dinner 餐湯 : 朋友要咗羅宋湯

 

" 鮮菇忌廉菠菜 "

 

如果小啲忌廉我諗會好食好多

 

Set Dinner : " 扒大蝦黑松茸什菜帶子天使麵 "

 

天使麵雖不是平時食過的質地但呢個主菜最全晚最好吃的

 

Set Dinner 甜品 : 自選雪糕伴窩夫

 

雪糕在無咩好揀之下要了朱古力味可惜不是我杯茶

 

餐飲有人要了咖啡 

 

" 玉桂鮮果鴛鴦窩夫 "  ( 有朋友唔食玉桂味所以走咗玉桂 ! )

 

這店的窩夫是比較薄身但脆口  ( 真係太耐無食都唔記得係點 ^^ )

 

但就有朋友好鐘意呢個質地 , 而我呢味道 ok 至於質地緊係差少少啦 !

 

" 窩夫五重奏 "

 

食完上面果個唔多夠喉所以要多一個原先大家都諗住走雪糕  ( 因為唔好味 )

 

但好人的店員哥哥唔想我地走雪糕所以講多一次雪糕的選擇比我地揀 ,

 

咦 ! 今次聽到有芝麻味但要加 $3.00 ok 無問題最緊要好食 ^3^

 

整個甜品最唔好食就係個吉士醬  ( 就連我咁鐘意食吉士醬都覺得唔好食 )