今日想分享下當死忙與我擦身而過時，我的反應會是如何。
在記憶中，有兩次死忙是與我擦身而過的。
一次係的士上，前面有一架壞車停了下來，的士司機見到已收油避開，說時遲那時快，後面架車已撞了上來。當時我係後座向前衝了一下，再向後回彈。我呆了一下，是沒有反應的。幾秒後，先知道撞了車，想起留係車度仲危險，仲要係公路，萬一有另一個失魂司機又撞上來，實在太危險了，所以自己行了出車。
今日，再次與我擦身而過。當我係一座大廈簷蓬底行過時，頭頂一聲巨響，旁邊有碎石從簷蓬掉下。我都係呆了一下，是沒有反應的，keep住向前行。行左幾秒後，回頭向上望，發現沒有棚架在上面的，即係石是從天而降的。
每次都係呆了幾秒後，先知發生咩事，驚...從個心震出來、震到要深呼吸，先可以定下來了解情況。依家想返當時情況，原來很恐怖的。如果的士司機不是已收油避開，減低左衝力！如果我沒有行係簷蓬底，又或者沒有簷蓬會點呢？
可能大家會話我好彩，會話我褔大命大。但好彩，唔會時時跟住我。褔，總有一天會用完。睇情況，我要儲多D褔，touch wood 再有下一次，都可以順利避過。
============================================
感謝 Mon 私家屋 提供以上資料
Mon 私家屋的網誌: http://welcometopmonprivatehouse.blogspot.hk/
============================================
