又好耐冇打遊記啦~
雖然應該冇咩人會期待我的update…
但答應左自己要完成的事。。。一定要做到
9月開始返工啦。。。仲適應緊
返工之後好似冇左好多時間咁
可能之前hea左三個月。。。所以宜家有Ｄ唔慣＞＜
下星期開始會好忙 所以要今日打一篇先得！
希望之後幾日都快Ｄ打埋佢啦～
***
524(四)
★Day 10★︰飯捲天國—>甘川文化村—>isaac—>搭巴士返首爾—>巧遇擁月男星拍電影—>弘大jawsfood
釜山的最後一日啦~
有D唔捨得…好多地方都未去呀。。。
今日係超難忘超驚險的一日。。。
我地差Ｄ就返唔到首爾＞＜
朝早執好行李之後就出發啦～
去左guesthouse附近的飯捲天國食早餐
![]()
我地好鐘意食Kimbap架。。。
又平又好味：Ｄ
![]()
叫左兩條原味。一條蛋皮kimbap
真係好好味。。好家的感覺～
![]()
之後就搭地鐵再轉巴士去甘川文化村～
本家冇plan去架。。。
返左首爾的朋友之前去左話幾靚
我地睇相又覺得幾吸引
所以就決定去啦。。。
我地只係影低左旅遊書的交通方法
但唔太清楚去甘川文化村的巴士係咩位
所以都用左唔少時間問人巴士站係邊
有個阿豬媽好好人咁帶我地去
個巴士站離地鐵站都幾遠
所以我地之後係唔記得路返地鐵站。。。
終於搭左巴士去到甘川文化村啦
但唔知點解我地搭個架巴士冇上到山上
我地要自己行上去
之後問返朋友。。佢地係搭另一架巴士 係上到山頂架
所以我地係烈日之下要慢慢行上山啦
正確前往方法:
土城站6號出口
搭1- 1 / 2 / 2 -1 巴士到甘川小學落車
![]()
沿途有一Ｄ好得意的箭咀指示大家方向
不過我地係行上山。。。所以箭咀係相反方向=_=
![]()
![]()
![]()
有D屋會有藝術品同壁畫。。。幾特別架
![]()
![]()
![]()
甘川文化村係出名好多唔同顏色的屋
由山頂望落去好colourful。。。好童話Feel
上高Ｄ就會見到更多屋仔。。。更多顏色
上到最高啦～一眼望落去真係好colourful
好似好多唔同顏色的ＬＥＧＯ咁^^
相影得唔係太好。。現場睇靚Ｄ
今期Ｕ ＭＡＧＡＺＩＮＥ都有介紹架！
![]()
![]()
![]()
山頂有遊客中心。。。可以係度拎地圖
照在搵唔同景點。。仲有得吸印仔架
不同我地係由下而上。。搵唔到遊客中心
想去的話要做足資料搜集呀！
睇完就落巴士落山。。。但我地過左之前搭車個度
落左車之後搵唔返路去地鐵站＞＜
揾路的途中見到ＩＳＳＡＣ。。就入去食個LUNCH先
我地坐係店入面食。。。但個老闆娘未等我地食完就留低間舖
走左出去唔知做咩。。。我地食完都未返黎
淨係得我地４個係店入面。。。
佢真係好信任我地。。。完全唔驚我地會偷野
之前係首爾都試過咁。。。
![]()
食完已經１２點半。。要快Ｄ搵路返地鐵站
因為呢度離海雲臺站要個幾鐘
我地要４點搭免車返首爾。。本身預２點半返到guesthouse
但問左好多人都唔知點去地鐵站
明明我地離地鐵站應該唔係好遠。。。但就一直都冇人知點去
之後見到一個女士佢話知點去。。仲好好咁帶我地去
點知咁就出事啦。。。令到我地之後差Ｄ返唔到首爾
佢帶住我地穿過好多住宅。。又搭左幾轉lift
我地愈行愈覺得奇怪。。。點解個地鐵站咁遠架。。。
行左幾個字。。。去到某個位佢指俾我地聽再行一陣就會到
當我地見到個地鐵站時完全呆左。。。＠＠
做咩我地會到左一個唔知咩站架。。。
站名唔係我地之後落車的站
亦都唔係隔離的站
我地原本係土城站落車
但個女士竟然帶左我地去離土城４個站的槐亭站＠＠點解會咁架
離海雲臺遠多４個站。。。真係超趕呀。。。
免費車唔等人架。。。
所以我地要喪跑先得。。
到左海雲臺。。。３個朋友就跑返去guesthouse拎行李
我就去飯捲天國買KIMBAP。。。因為要搭幾個鐘車。。。
拎完行李又喪跑去地鐵站搭去西面搭車
當時已經３點幾。。。要４點到西面樂天酒店門口搭車
到左西面已經４點啦。。。其中一個朋友一枝箭咁衝向前
佢諗住去截住架巴士先
就係咁我地就唔見左佢。。
我地３個喪跑終於搵到架巴士啦。。。但唔見個朋友
當時其他人已經上晒車。。。準備開車啦。。。
我地同架車的職員講有個朋友唔見左
佢本身話唔等。。。我地再求下佢就話等多５分鐘
當時我地都超驚。。。好驚搵唔到個朋友。。好驚返唔到首爾
我落車去搵個朋友。。。好彩我行左一陣就見到佢。。。
佢話問人點去樂天酒店但俾人指錯路
經過一輪喪跑，加上超驚險咁差Ｄ返唔到首爾。。
我地成個人虛脫了。。。有個少運動的朋友仲話跑到死咁滯
４個鐘的車程之後。。。我地終於返到首爾啦
仲係光化門廣場見到有人拍廣告？
朋友話個男主角有份拍擁月。。。不過我冇睇唔知邊個
![]()
我地睇左超過半個鐘。。之後返弘大食野
因為唔係太好胃口。。。所以又去左又平又好味的Jawsfood
天婦羅同年糕都好好食^^每人只係食左十幾蚊
今日真係超過疲累又驚險的一日。。。雖然好辛苦，但係係好難忘的回憶！
Day10 expenditure:
kimbap breakfast 2625
issac 1900
kimbap 1500
soya milk 950
Jaws food 2425
add value 10000
Seoul I 15300
============================================
感謝 Kayi 提供以上資料
Kayi的網誌: http://cnbluekayi.blogspot.hk/
============================================
甘川文化村 (韓國)
釜山水族館
Thormork 冰島高地
六義園(東京)
中環街市
上水古洞
藝里坊
梅關古道