♥ 柑 B 成長日誌 ♥ 第八個月 – 我翻, 我翻, 我翻翻翻 … 身XD
怎麼好像才剛打完第8 個月不久…
現在柑B已經是9個月了!
柑B這個月好像突然學會了好多事!
所有反應也比之前更明顯!
柑 B 的食量
唔知柑B係唔係知奶粉貴, 一直到依家都只食5安。
只有一早起身果餐勉強食6安…
有時甚至只食2, 3安-___-
說沒擔心過也是騙人, 不過現在真是有點麻目了 XDDD
尼D 野迫又迫唔來, 姑娘話體重有增長就OK!
就這樣, 我就當柑B是一個知道奶粉貴的節儉小傢伙~ HAHA ~
繼續是: 3奶2固
企, 行, 坐
企企對柑B來說已經完全零難度。
極度得戚!
最搞笑係, 張床只有一邊放 cushion, 佢次次就只會自己坐向有cushion 果面。
無cushion 果面佢永遠唔會坐 (我懷疑佢曾經撞過, 所以唔o係另一邊坐)
爬爬
唔識爬呀 ~ HELP!
男子漢
我曾好幾次救唔切佢撞到頭 (不算大力), 而佢每一次都無咩反應。
會繼續玩, 繼續笑-___-
捍衛地盤
柑B一直也是在99家住, 所以 99家算是柑B地盤。
有次堂哥哥來玩, 柑B爸爸跟堂哥哥玩到hehehaha!
柑B即時一臉不爽 (個表情唔係想玩埋一份, 而係不爽)
之後伯伯, 伯娘同小堂弟 (BB) 也來了。
柑B立刻扮可愛, 對任何人也笑, 跟大家也玩。
但當99抱起小堂弟, 柑B立刻大叫同尖叫, 努力捍衛地盤!
哥哥搶佢 D玩具佢亦會大叫, 鬥搶, 唔會坐以待斃XD
不過當然唔夠哥哥搶, 佢就會大喊, 哥哥一行埋佢度佢就喊定先。
對於小朋友搶東西, 基本上我也只會稍作調停。
在不會受傷的大前提下我也不會太緊張。
亦希望柑B可以成為真正的男子漢! XDDDD
其實我印象很深, 我的某親戚是長期在外國工作的, 都幾有錢 (不過人很好, 完全沒財大氣粗)
佢地2個仔都是外國讀書, 有次番香港, 佢個幾歲o既細仔臉上有道傷痕。
我地即時好緊張問咩事, 佢爸爸好平淡o甘話: 哦 ~ o係學校同人搶野玩~
我地又係好緊張問長問短, 之後佢爸爸話: 佢o既事我唔會干預, 交比佢自己處理!
我果一刻真係覺得「好型呀」!!!!!
如果是HK媽媽會怎樣? 投訴? 報警? 買兇? XD
大便
近日D便便真係硬過石頭。
有時佢用好多次力亦只去到一粒半粒。
不過佢唔肯飲水又可以點?
開奶茶, 蘋果水通通都試過, 不過便便還是沒改善 …T_T
有無人可以比下意見我?
漏V
轉左花王次後就再無漏V 了!
說話
已經會說MAMA, PAPA 同MUMU。
不過我不知道佢是不是真是明白個意思。
有時佢會望住我: MAMAMAMAMA
之後望爸爸: PAPAPAPAPAPA
但有時又好似歌唱o甘, 又MA又PA又MU ~
鞋子
非常不愛穿鞋子!
看書
柑B已經成功o甘撕難左2 本ABC書。
於是我就買左本布書比佢。
點知佢完全唔o孔…..
最後又買左硬書比佢, 佢有比較喜歡, 不過 …
內容似乎太悶了XDDD
去玩玩
我依然不太敢跟柑B去太遠的地方~
落街玩就會~
不過對BB來說去澳洲定去樓下都一樣架啦~ <- 歪理
我想柑B應該是一個樂天的寶寶。
很愛笑。
每次也令我覺得很快樂, 很幸福!
大概所有媽媽也是這樣, 覺得自己的寶寶是最可愛的~
而我近日開始進化了, 覺得柑B很靚仔XDDDDDDD
遲些我打算幫柑B拍一段「超動感」微電影XD
請大家熱切期待!
我希望柑B可以有一個快樂的童年, 3歲以前就是快樂地玩。
加上我鳥龍又懶惰的性格, 大概也絕對不會是緊張大師父母吧:P
柑B會成為像我一樣平庸的人嗎? HAHA ~ 就讓他自己決定吧~ :P
我常跟朋友打趣說, 如果柑B讀書 OK, 我唔再買新衫唔再買新化妝品也一定供佢讀書 (外國又好, 香港又好)
但如果佢唔中意讀書, 我唔會比錢佢去外國讀書架! 留番D 錢比我打BOTOX好過~
仲有呀仲有呀!
你千其唔好帶女朋友番屋企過夜 (你有種就自己買層樓同女朋友同居), 同我一定唔會同新抱住架! 哼!
============================================
感謝 宅柑愛扮靚 提供以上資料
宅柑愛扮靚的網誌: http://kimbb2012.blogspot.hk/
============================================
累積瀏覽 209316
全部攻略 325
全部回應 17
