二次體驗真人密室逃脫遊戲 - Mr Escape

由捌拾後-DY 於 2013-06-06 00:00:00 發表 | 累積瀏覽 434

分類：

還記得今年一月份，

我去左體驗一個全新既真人密室逃脫遊戲 FREEING HK，

並且跟大家分享過，反應都十分熱烈，

想重溫內容既朋友，可以按下面超連結HYPERLINK

真人密室逃脫遊戲 - Freeing HK

呢個逃脫遊戲近排真係HIT爆，概念全新而且獨一無二，從佢地成日爆BOOKING 既網上預約已略知一二，

不過又係既，香港娛樂唔算多，唔係唱KARAOKE 就行街睇戲，開創另類遊戲真係有機會殺出條血路來!!

講開又講，其實我同FREEING HK佢地都有D 緣份，我除左係第一批去玩既白老鼠之外，

我寫FREEING HK玩後感果篇BLOG 重成為我第一篇上YAHOO人氣既文章添

相隔幾個月重聚，發現FREEING HK既成長速度十分驚人，

本身旺角本部由3間主題房間擴張到7間不特止，

宜家逃出香港重逃出埋旺角，於尖沙咀及銅鑼灣開左分店，2間分店暫時各有5個唔同主題可供選擇，真係可喜可賀，

其實唔只開新分店，FREEING HK 最近重開多左一條新支線，叫MR. ESCAPE，

今之有幸得到公關部既邀請，親身試玩下呢條新支線~

大家可能會好奇，逃脫就逃脫啦，邊有咩支唔支線KA，打機咩~

其實支線係代表FREEING HK 同MR. ESCAPE既主題係會有分別既，

FREEING HK 既主題較幻想性，FANCY 少少，而MR. ESCAPE 就剛剛相反，主題較貼近現實生活，令參加者更加有代入感，

其實只要介紹下MR. ESCAPE現有既4個主題遊戲，大家就知道有幾寫實KALA

1)平行兇間

(轉自官網)
你會永遠困在自我創造的幻想空間，消失於本來的世界？

一覺醒來，

你發現身處的房間突然變得奇怪而陌生，擺設很相似，但卻不是你平時熟識的房間。你打開桌上的日記簿細讀，

發現自己竟與平行時空的另一個你交換了！

雖然你還攪不清楚一切的原由，但你現在唯一可做的，就是離開這房間……

任務︰在45分鐘內，解開四周的謎題，逃出房間，尋找返回原來世界的方法！

2)飄流教室

(轉自官網)

一天，你在學校上課時候，突然發生大地震……

你失去了知覺，當醒過來時，你發現身處的教室變得很怪異。在這裏，你叫天不應叫地不聞，老師們都因這場地震全部死亡，而且物資短缺。

現在，你們只能團結一致，解決面前的重重難題，回到原來的世界。

任務：在45分鐘內找出真相，到底是有人存心作怪，還是末日真相？

3)飛越瘋人院

(轉自官網)

If you don't stand on something, you will
fail on anything.

你和其他人都被迷之組織陷害，囚禁在這所瘋人院裹。

雖然你一直堅持自己沒有精神病，但在這所黑暗的瘋人院裹，你的申訴，並沒有任何人理會。時間一天一天的過去，你被迫接受改造成植物人的手術時間越來越接近了！

你沒有退路，這裏變幻莫測，你無處可逃……沒有信念，你的世界將會完全崩潰！

任務︰在45分鐘內，按著種種線索，破解謎團，和同伴逃出瘋人院！

4)迷走辦公室

(轉自官網)

沉悶的星期一，如常地，你被無理的上司騷擾……

但是，今日的你受夠了！面對著無情、無人性的上司，你決定站起來，為自己討回公道！面對可能失去工作的代價，你偷偷地走進上司的房間，尋找上司不為人知的秘密，就在找到一些線索之時，門…突然被上鎖了！

任務︰在45分鐘內，留意身邊的環境，解開面前的謎團，安全逃出辦公室！

大家見到，MR. ESCAPE 既房間都係大家平日會碰到既場景，好似辦公室同教室咁，面對見慣見熟既佈景，投入感一定會大增，

而今次公關部安排左我玩平行兇間，呢間房難度較高，可能知道我上次玩過，有D經驗掛，哈哈，

老實講，上次係FREEING HK 45MINS 既逃走過程，頭15MINS都唔知發生咩事(因為我冇玩過任何逃脫遊戲APPS的)，

玩完都重好迷茫，但今次因為有上次既經驗，知道發生咩事，感覺實在好多，知道應該點做，應該做D咩去解謎，刺激好多，

所以如果曾經玩到一頭霧水既朋友，強烈建議玩多一次，因為再玩既感覺係完全唔一樣，謎題一個一個被解開既感覺好爽

而未玩過既朋友，基於上次有多人表示有興趣，但又唔知咩黎又唔知入面係點，問左好多問題，

所以公關部今次特許我到平行兇間入面影一影相，披露主題房間既神秘面紗

宜家就由我入去 MR. ESCAPE 開始

MR ESCAPE 旺角店係旺角銀行中心BODY SHOP 附近既唐樓入面，舊舊地，未到達已經感受到神秘氣氛

大門入口，準備好脫險未?! GOGOGO~

接待處，全店同FREEING HK 一樣以黑色為主色，神秘MA

唔同GAME 都有唔同道具，呢個就係好黑人憎既寶盒，每次都要R 爆頭解謎先可以打開，搵下一個HINTS或道具

頭盔?!無錯，又要威又要戴頭盔，因為有部份房間有機會全黑，又有可能有野飛黎飛去(我估JA)，
為左保護大家，某D房間係需要戴頭盔既

手銬?!SM?!
為左增加遊戲難度，鎖手鎖腳，綁手綁腳呢D 就少不免喇~

公關部小帥哥真人示範，平行兇間就係需要咁樣入去玩喇

平行兇間房間大公開!!!!!
由於故事係講要解開一個人既內心世界，所以四周都係鏡

解開心鎖，就能解開謎題，搵出鑰匙，逃出房間

一個又一個既寶盒，等住去解謎，唔同寶盒都有唔同既解謎方法

寶盒特寫

又係另一個謎題，就係呢個解唔到，差少少JA，逃出失敗

又係另一個謎題，真係好鬼多謎題

我之前玩DR ALPHA實驗室，入面係冇燈，同樣，平行兇間都係冇光源既，要自己搵光，
之前有朋友問過到底有幾黑先，呢個就係黑既程度，已經係ISO3200, 1/5黎影既相，證明真係好黑暗

連新開張既MR. ESCAPE都已經咁多人試玩左喇，你又試左未呢?!

差一個謎題先逃出成功，但已經大有進步，厚住面皮要攞張逃出大成功紙板影相，公關小帥哥都冇眼睇，哈哈

有興趣既朋友就快手D上網預約喇，因為同公關同事了解過，

由於宜家重係新開張既關係，門票體驗價只需$98，遲D就會調整返$128，所以想玩就襯手喇，

玩過但逃出失敗既朋友建議大家再玩多次，

未玩過既，建議去之前係ANDROID PLAY STORE 或者 APPLE APP STORE 下載D 逃出逃脫解謎遊戲先入去玩，

因為得45MINS，秒秒鐘都係逃出關鍵，

最後，記得先上佢地官網作網上預約，唔係好快爆KA

MR.ESCAPE逃脫鬥室

地址: 旺角西洋菜南街70號3/F
時間: 星期一至星期五 - 中午十二時正至凌晨一時

星期六至星期日 - 早上十時正至凌晨一時

電話: 29858085

MR. ESCAPE官網

最後，我終於開左個FACEBOOK PAGE，平時都會睇下我既朋友不妨LIKE 一下，

果邊既更新會快D 同密D KA，多多支持~

捌拾後

Promote your Page too

============================================

感謝捌拾後-DY 提供以上資料

捌拾後-DY的網誌: http://post80sdy.blogspot.hk/

============================================

鐘意SeeWide的分享，給我們一個Like吧！