宜家全城Candy Crush Saga，無論去到邊，都會見到人人低頭撞糖，
Whatsapp入面既內容全部都係: 起身冇晒d 心心，搞咩?!；求救呀，過唔到關，好多朱古力，玩左十日都過唔好關；send d心心比我唔該之類既內容
拜年亦都一樣，恭喜發財之後第二句就係問人地宜家咩level 果關好難，點過關之類.....
不過我一關都未有玩過，唔知點解就係冇咩興趣.....感覺同之前撞磚果D差唔多e.g. Diamond Dash, Jewels Star
![]( "(big grin)")
咁我宜家玩緊咩apps遊戲?? 就係早幾日先上架既 Tamagotchi L.i.f.e (Love Is Fun Everywhere)
唔知有冇人唔認識當年HIT 爆既他媽哥池呢?!
簡單介紹下先︰
他媽哥池（Tamagotchi，たまごっち）是BANDAI公司在1990年代後半期推出的一種掌上電子寵物，由橫井昭裕與真板亞紀在1996年發明。其名字為日文的「たまご」（Tamago，蛋）和「ウオッチ」（watch）的結合，早期中文通稱為電子雞，又有電子寵物機、電子寵物蛋、寵物機、寵物蛋等多種形像名稱。當時它在世界範圍掀起了一陣養電子寵物的熱潮，其絕佳的市場業績更令到當時面臨被合併危機的BANDAI的經濟狀況出現轉機。他媽哥池的外形通常都是蛋形，這也是它在中文裏被稱為「電子雞」的原因之一，但其中被飼養的虛擬角色其實不是雞，依發明者的角色設定，它是來自他媽哥池星的外星生物。
他媽哥池有三個按鍵，讓使用者可以操縱其「寵物」的一些行動，包括：
餵飼：給他媽哥池各種食物或者零食，這會影響它的健康、體重、飽足感和心情。
遊戲︰與他媽哥池一齊玩遊戲，以此提升它的開心程度，但這會使他媽哥池的體重與飽足感減少。
清潔︰他媽哥池的居住環境，倘若居住環境有過多穢物，他媽哥池將會生病。
檢查︰查看他媽哥池的狀態，例如年齡、體重、飽足感和心情。
![]( "Screenshot_2013-02-19-12-09-17")
見到呢幾隻寵物，真係回味無窮...
筆者當年只係初中生，死慳死抵儲錢買左好多隻唔同款子寵物，有寵物雞啦，寵物龍啦，寵物鴨等等
但當中以他媽哥池最貴，好似曾經炒到幾百蚊一隻 (當年wo,好犀利ka)
真係愛心滿溢，哈哈
香港Google Play Store 暫時重未見有上架，為左先睹為快，個apps我係响非官方既網站下載既，
見到底下有line 既廣告，由此估計如果上架，呢個apps 應該係免費既~
個apps既操作同當年既他媽哥池係一模一樣，得閒要餵下佢，陪下佢玩，照顧下佢咁，
隨住日子過去，佢地就會隨之成長，而成長既形態就會取決於平時大家點樣照顧佢喇，
所以就算你同朋友一齊開始遊戲，大家最後養出黎既雞雞都未必會一樣。
愈玩得耐，就會愈多shell 同wallpaper 比大家選，大家重可以影低心愛既龐物，post 係facebook 同朋友分享!!
耐玩性甚高....
如果大家都經歷過他媽哥池年代，呢個apps絕對係回憶之選
![]( "(thumbs up)")
你地睇，我隻樣衰怪又拉屎，要去清潔了~~
下次再有好apps 我再同大家分享吧
最後，我終於開左個FACEBOOK PAGE，平時都會睇下我既朋友不妨LIKE 一下，
果邊既更新會快D 同密D KA，多多支持~
============================================
感謝 捌拾後-DY 提供以上資料
捌拾後-DY的網誌: http://post80sdy.blogspot.hk/
============================================
