小白鷺餐廳

13 SEPTEMBER 2009 (SUN)

今日相約大小M進行我地嘅攝影之旅，今次我地目的地就係小白鷺餐廳。

好多劇集都係依度取景，所以我都想嚟好耐，不過成日都以為好遠，冇的起心肝決定嚟，剛好小M提意，所以終於都可以去小白鷺啦！

原來入小白鷺都唔係太遠，我地由大埔墟火車站搭的士入去，都係廿幾蚊，所以都算方便，起碼唔洗行太多路。

我地一點左右入到去，第一時間就去食個LUNCH呀~

依度啲食物都一般，我個豬扒SET都幾好，不過大肥豬個牛肉意粉就差少少。講真...依度都係食個環境同氣氛，唔好講究咁多啦！

食飽飽就當然到影相時間，係餐廳入面影少少先。由於早前眼仔發炎，雖然都算叫好番，不過都係唔敢帶隱形眼鏡住，唯有又以四眼LOOK影相啦(不過始終覺得帶眼鏡影相好似冇咁好靚)~

再係餐廳出面又影吓~

之後我地就去個主景點....白色小屋，不過唔俾我地行過去，都只係遠遠咁影吓，到此一遊啦~

之後我地就周圍行、周圍影~

雖然我地入唔到湖邊小白屋影，不過我地都搵到另一個靚地方不停狂影~

今日雖然冇猛烈陽光，但都好熱好焗，就連帶左D女出嚟都冇心機同佢影相，可能準備打風啦，所以都邊影邊出汗。

不過今日都影得好開心，好想快啲再一齊去影過啦！

============================================

感謝 小肥豬 提供以上資料

小肥豬的網誌: http://kinseymama.mysinablog.com/

============================================