去到迪迪尼酒店，又影相嘅時間啦！
對上一次入食自助餐時都已經好夜，都唔知出面原來酒店出面係咁靚，所以又係不停影..影...影啦！
係出面已經好靚，入面仲唔洗講，都係一樣咁靚。真係好鐘意佢D水晶橙，超靚呀！
影到差唔多時間，就到我地今日個重點節目~~食自助餐啦！
因為我張半價COUPON六月尾到期，所以就約埋大M同小M一齊去玩，同埋幫大肥豬預祝生日呀！
佢地D嘢食都幾OK，三文魚又新鮮，D凍蟹腳又好味，所以我都食左唔少呀！不過最開心就係不停有好多公仔嚟陪你影相，真係超開心..好好玩！
有米奇啦....不過佢都係嚟左一次呀！
仲有米妮...佢嚟左兩次同我地影相呀！
最後就係高飛啦...佢成日都係我地張枱行嚟行去，所以我地同高飛影左好多相呀~~
食到差唔多，個驚喜終於都嚟啦~~
係大肥豬完全唔知道嘅情況下，有職員同埋高飛拎住個蛋糕出嚟。大肥豬一見到個蛋糕都幾驚訝，又好開心。佢仲俾高飛強吻呀~~勁攪笑！
許個願先~
嚟張大合照先~~
玩左一陣就食下蛋糕...傾吓傾吓，我地就差唔多完成左依個驚喜生日自助餐啦！
係臨走時，職員又拎左一D幫我地影相嘅製成品出嚟，小M就送左依個鎖匙扣俾大肥豬呀~~(好靚呀....不過真係唔好意思要佢破費呀！)
我地之後就再係酒店入面影左一陣相就走啦！
大肥豬真係超開心，因為佢都係第一次有咁多人同佢一齊唱生日歌，又有依一個驚喜，佢係完全唔知會有生日蛋糕食。見佢咁開心…我都好開心呀！
今日玩得真係好開心，多謝大M小M陪我幫大肥豬預祝生日，又幫我地影好多靚相，真係麻煩晒，好期待我地下次再一齊出去玩呀！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
