13 SEPTEMBER 2013(FRI) 早排嘅FACEBOOK可以話俾人不停洗版，因為大家約而同地買左雪糕粉自己整雪糕。小豬媽見啲朋友仔整得咁開心，佢又好想整埋一份，不過搵左好耐都係搵唔到。
仲等我地四周圍搵，尋日行過樓下商場間烤焙專賣小店，原來有得賣，仲有小豬媽好想整嘅榴槤雪糕，所以即刻買嚟玩啦！最衰買唔到士多啤梨味，唔可以試整俾小小豬食添~
買左雪糕粉當然要即刻整嚟玩啦，為左加重口味，所以小豬媽仲買左包新鮮榴槤，打算拆肉放埋一齊整雪糕呀~
![]( "DSC09400")
整嘅方法真係勁簡單，只需要加水就得啦~
![]( "DSC09413")
講真....因為我真係唔食榴槤，所以一打開包雪糕粉時，嗰一陣榴槤味真係勁都呢........，所以我好快手就MIX好左啲粉，拆榴槤肉依個重任就交左俾小豬媽啦~
![]( "DSC09421")
MIX好晒，倒入盒放到凍格雪就得啦~
![]( "DSC09427")
我當然唔會有得整冇得食，雖然我唔食榴槤味，我就整朱古力味俾自己食啦！原來都想買啲朱古力粒加埋落去，不過買唔到，所以最後就好簡單咁整啦~
![]( "DSC09438")
大約雪左七個鐘多少少，製成品已經完成啦~
朱古力雪糕...口感唔錯，好香濃朱古力味，不過我就覺得甜左少少~
榴槤雪糕...我冇食就唔知，LULU妹話勁好食，我自己都嗅出勁大陣嘅榴槤品呀~
![]( "DSC09450")
簡簡單單又整左一個甜品出嚟，都OK幾好玩，如果有機會見到其他味都可以買返嚟試整吓先得呀！
我地嘅FACEBOOK專頁，你LIKE左未呀~
![]()
仲可以關注埋我地個微博呀~
![]()
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
