是日晚餐

29 OCTOBER 2009 (THU)

我耐都冇出是日晚餐，因為煮嘅餸都係大同小異，所以唔POST出嚟，廢事獻醜嘛。今日有新嘗試，所以就同大家分享吓啦！

睇吓今日依個是日晚餐~

首先就係青瓜炒肉片，依個煮左好多次，冇問題啦~

登...登...登...登....依個先係今日主角，煎紅衫魚~

係唔係煎得都幾靚呢？哈哈.....其實我都係第一次煎魚，係買左條魚時我都15/16蒸定煎好，但我又想試吓，所以最後都係決定煎左。

一向好怕彈油嘅我，等埋大肥豬放工返嚟先開始煎魚，有佢係度陪我煎，好似冇咁驚咁嘛。哈哈~

係煮嘅時候都打定輸數會煎到甩皮甩骨冇條魚形，不過煮煮吓又好似得得地，最後竟然可以煎到咁靚，食落都熟仲好好味添，嗰吓真係勁有滿足兼自豪感呀！

============================================

感謝 小肥豬 提供以上資料

小肥豬的網誌: http://kinseymama.mysinablog.com/

============================================