今日雖然係放假，不過我地冇周圍去，都係留左係屋企休息一吓。
冇特別野做，所以就又係時候做番個乖老婆，又嚟煮飯仔啦！依個就係我地嘅是日晚餐~~
首先就係西蘭花炒雞柳
依個餸今次自己都覺得麻麻地，可能我買嗰啲雞柳唔係太好，攪到好似好韌，下次都唔再買依啲急凍雞柳煮啦！
另一個餸就係第一次煮嘅...什菇玉子豆腐
依個餸係我自己諗，哈哈...煮出嚟都好好味呀！不過就多左少少水，下次落少啲先得，咁就有一百分啦~~
最後一樣就係蕃茄薯仔排骨湯
見今日多啲時間就諗吓煲湯啦....依個都係第一次煮，當然成功左，大肥豬都話好味呀！
今日晚餐咁豐富，當然整埋聽日個午餐便當。哈哈~~又唔洗頭痛諗食乜啦~
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
