今日又係我大展廚藝嘅時候啦！因為爸爸媽咪去左街街，所以見有個廚房空左出嚟，咪玩吓煮飯仔，煮飯俾大肥豬同LULU妹食啦！等大肥豬可以真正試吓我煮嘅野嘛！
今次我好叻呀~~由諗食乜餸，到去街市買，都係我自己一手一腳去整呀~~不過諗煮乜都係幾頭痛呀，同埋去買餸又唔知應該要買幾多好，所以都真係幾傷腦筋呀，好在..到最後都俾我攪好。
登..登...登...登....今日嘅晚餐就係依幾樣啦~
有蠔油蚊雞翼、蕃茄炒蛋，同埋紫菜冬瓜湯呀~~係唔係好豐富呢？
哈哈~~好在都總算食得晒，見都佢地都食得好開心，我自己都好有滿足感呀！大肥豬仲讚我叻女呀~~(哈哈！)
依種開心真係好難形容呀！雖然煮嗰個過程都真係幾辛苦(話晒都第一次，當然唔習慣啦！)，不過見都佢地食得咁開心，乜辛苦都唔記得啦~~仲覺得值得呀！
我一定要再俾心機去學煮多D餸先得。
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
