22 DECEMBER 2011(THU)
哈哈哈…今日我又收到大肥豬送俾我嘅小禮物，就係依一個史迪仔電話殼啦~
![]()
其實當佢剛剛推出嘅時候，我都已經好想買嚟玩，不過因為我曾經係街上面見過有朋友仔用過，見到都覺得好大舊，怕會用起上嚟唔方便，加上見都成三百幾蚊，所以最後都打消左個念頭。
之後因為有一個朋友仔識人，可以平平咁幫我訂，見咁抵就當然都貪得意買返個，就算真係用落之後發覺唔好用，都冇咁肉痛嘛。 就係咁...今日大肥豬放工就幫我去拎返嚟啦！(因為大肥豬幫我俾埋錢，所以都當係大肥豬送嘅啦..呵呵呵！)
有新嘢當然要即刻換左佢啦，所以就貪新忘舊咁暫別小小豬個電話殼先，等我聖誕節新史迪仔嚟迎吓節先~
![]( "CIMG0418")
哈哈...又真係幾靚哦！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
