1 AUGUST 2010 (SUN)
話咁快就已經踏入八月，之前都已經覺得八月係一個好重要嘅月份，因為我係八月壽星嘛。不過由今年開始，八月對我係極度重要，因為我嘅小小豬即將來臨，依家正式開始倒數，真係既緊張又期待呀！
因為小小豬即將來臨，所以我放假依幾日都係日日留係屋企，唔敢周圍去，就算落街，我嘅活動範圍都只係屋企附近個商場，不過為小小豬安全都冇所謂啦！
今日大肥豬係屋企陪左我成日，佢見我個肚仔又大左好多，所以就提意同我影幾張大肚相留個紀念。
當然大肥豬係唔會帶我出街影，所以就嚟左一輯自家STUDIO嘅大肚相啦~
原來我個肚仔都真係大左好多，大到連肚紋都出埋嚟，不過都算好，係臨生依個月先嚟爆，加上又唔算多，所以都叫好彩啦。
真係要好好享受埋依個懷孕倒數時間，因為都有啲唔捨得小小豬係我肚仔郁動嘅感覺呀！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
