迪迪尼我又嚟啦

今日真係勁開心，因為大肥豬俾左個大驚喜我，送左一份遲來的結婚周年禮物加提早的聖誕禮物俾我，就係迪迪尼全年通行證嘅禮卷呀~

記得係兩年前張AP到期之後，大肥豬曾經應成過我，等小小豬出世之後就會買AP，咁我地就可以成日帶小小豬再入去玩。估唔到佢仲記得，咁早就買左俾我，所以我嘅開心程度真係難以形容呀！

雖然有AP在手，不過我都應該唔會依個聖誕去開AP住。雖然我係好想即時入去玩，不過因為小小豬仲咁細，怕佢依家入去會辛苦，所以應該最快都等新年嘅時候先入去，到時小小豬都六個月大，起碼到時同公仔影相都靚啲嘛(頓時間覺得自己好識諗添..哈哈)！

嘩哈哈..雖然唔係即刻有得去玩，不過諗起都勁開心呀！

============================================

感謝 小肥豬 提供以上資料

小肥豬的網誌: http://kinseymama.mysinablog.com/

============================================