開心迪迪尼之旅 - PART 2

睇完巡遊之後，我地就即刻去玩機動遊戲啦！

首先我地就去左睇3D米奇劇場，睇吓我地戴住副立體眼鏡幾有型。
雖然都曾經睇過，不過我地都睇得好開心，仲好投入咁入去執鑽石....哈哈~好好玩呀！

之後我地就去左玩其中一個新GAME - 馳車天地，睇吓我地個揸車LOOK幾正！不過可以因為小肥豬冇車牌關係，所以成日都左右咁撞。見到有D小朋友揸得仲好過我，真係失禮死人呀！不過都係嗰句~~好好玩呀！


之後又去左玩飛越過山車，只能講....非常刺激，一開車小肥豬就開始大聲嗌，相信大肥豬對耳都俾我攪到龔龔地呀！哈哈哈~~~

玩左一輛刺激遊戲，之後我地又玩番少少浪漫嘅木馬同小飛象，真係好似好SWEET咁呀！不過講個秘密俾大家知，大肥豬係超鐘意玩依個木馬，話重拾童真哦！


行行吓，諗起冇係咁有紀錄嘅城堡影相，所以就趁仲未入黑影番張先~


跟住我地見第一次巡遊時個位置唔係太好，所以就霸個靚位睇多次，可能已經入黑，每部巡遊車都開左D燈，所以比起第一次巡遊時仲靚，有兩種唔同感覺呀！

睇完我地又去左玩新史迪仔新GAME，真係好好笑，好有互動感覺，好好笑呀！

玩完依個，就分別去左玩巴斯光年同探險船，特別一題玩探險船，因為真係比朝早玩刺激同緊張好多呀~~所以如果有朋友仔會去玩依個GAME，我都建議佢地入黑先去玩，真係有另一個感受呀！

個時間都差唔多到城堡亮燈儀式，所以我地又走去睇！嘩~~真係好正呀！戴埋入場時派嘅眼鏡睇真係好正呀！

睇到有燈光地方都會見到燈光變晒做雪人，正嘅指數簡直冇得形容....最衰我部傻瓜機影唔到雪人效果，不過大家真係要去感受吓先得呀！

成個城堡著晒燈真係好靚呀~~


我都唔執輸影到一張靚靚燈光城堡相同閃閃聖誕樹，嗰吓真係好浪漫呀！

係等睇煙花時，我地去左新出嘅聖誕小屋去睇野，真係好有聖誕感覺呀~~好正呀！不過當我影完依餅人相之後，部相機就冇晒電.....已經叉足成晚電都攪成咁....真失敗！所以之後就用手機影，雖然冇咁靚，不過都值得留念呀！


係等睇煙花時，有個職員幫我地影左張靚靚相，真係好鐘意呀！所以貴貴地都買左一張留念呀！


成晚最後一個節目就係煙花，真係好靚，戴埋副雪人眼鏡睇仲正，好似滿天都係唔同顏色嘅雪人，好SWEET，好正呀！我一路睇就一路嘩嘩聲，真係唔想咁快放完煙花呀！好唔捨得呀！

當我地離開時，美國小鎮大街又開始落雪啦！真係好浪費呀！

睇埋煙花就要走啦~~~真係好唔捨得呀！好想快D再入過去迪迪尼玩呀！

============================================

感謝 小肥豬 提供以上資料

小肥豬的網誌: http://kinseymama.mysinablog.com/

============================================