18 DECEMBER 2013(WED)
今次係MyBB試用小隊抽到一份好好用嘅試用產品，就係三款純天然洗護產品~其實Renew依個品牌我都聽好多朋友介紹過，係屬於一個天然環保洗護品牌，採用天然原料，如檸檬酸粉、膨化粉、植物活性物等，產品中不添加螢光增白劑、氯殺菌劑、香精、磷、酶及石化等有害化學物質。產品可被生物降解，既能高效清潔、分解污垢、抑菌護膚，洗滌後的水可直接排放江河湖海和灌溉農作物，保護水資源、地球環境及人類健康。
此外，經瑞士SGS產品安全測試，證實抗菌度高達99.9%。有效抑制大腸桿菌，金黃色葡萄球菌，白色念珠菌等病原菌，真係健康嘅保障。
雖然小小豬都已經三歲多，不過因為小小豬濕疹關係，我都依家買嬰幼兒洗衣粉嚟同小小豬洗衫，所以這兩款洗衣粉我都有試用。
小小豬當然係用專為嬰幼兒而設，最新防敏、抗菌、除蟎蟲配方嘅BB抗菌洗衣粉~
我地大人就用抗敏、除菌、去甲醛、鎖色、柔順、抗靜電，多效合一配方嘅家庭無泡洗衣粉~
由於我係機洗關係，所以唔可以親身感受洗衣過程嘅分別。不過我就刻意唔落消毒藥水同衣物柔順劑一齊洗，想睇吓佢地洗完之後嘅分別。發覺洗完的衣服都非常軟屬而且又無「嗡」味，效果都大分理想，可以考慮長遠轉用呀！
另一款產品我就覺得非常之好用，就係萬用清潔粉~
其實佢嘅用途真係好廣泛，可以用於食具、櫥櫃、油煙機、排氣扇、煤氣爐、冰箱、輪胎、車內座位、瓷磚、 玻璃器皿、 膠地板、木地板、門窗戶扇、地毯、塑膠製品、浴室瓷具、皮鞋、運動鞋、皮革、沙發等。
雖然好多用途，不過有咁好嘅產品，我當然留嚟用係小小豬物品，所以我就將佢用嚟同小小豬洗吓啲鞋仔。
將清潔粉依1000ml水：2-5g粉的比例加入水中，攪拌均勻後便可使用~
我分別幫小小豬對波鞋仔同膠鞋仔洗白白(真係失禮晒...俾大家近距離見到小小豬對鞋仔幾污衊添)~
之前未用依個清潔粉時，我都係用藍威寶加擦仔嚟同小小豬洗鞋，有時仲要好大力咁擦先會乾淨。不過今次用清潔粉就方便好多，輕輕用毛巾抹幾吓就可以，只係某一些"積"位置要大力少少，真係輕鬆好多呀~
我覺得最好就係用完之後唔會傷手，因為我係一個唔鐘意用手套嘅人，所以之前用其他嘅清潔用品之後，我對手都一定會好唔舒服，要勁洗手同勁搽CREAM先叫做好少少。不過今次我雙手完全冇感到唔舒服，就連CREAM都唔洗搽呀！
整體上今次試用Renew產品效果真係幾好，加上環保天然配方，不含有害化學物質，所以用完之後都會再買嚟用呀！
Renew仲有好多唔同種類嘅產品，大家可以瀏覽佢地網頁： http://www.renew-cleansing.com/zh-hk/home.html 或者FACEBOOK專頁：https://www.facebook.com/renewhk
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
