21 OCTOBER 2012(SUN)
早幾日幫小小豬收到PR姐姐送嘅禮物，係一SET泥膠同工具嚟呀~
![]( "IMG_7808")
實不相瞞，我都想買泥膠俾小小豬玩好耐，不過就仲未揀啱買邊個牌子，始終覺得泥膠係用手仔嚟玩，如果一不小心就放入口，就係好危險啦(當然...我地陪小小豬玩時都一定好小心睇住佢，所以發生機會都應該唔大。不過小心為上，都一定要好好考慮嘛)！後來得到PR姐姐邀請，我又上網睇過，知道依個牌子係德國牌子，外國出品都應該安全，所以我都好放心俾小小豬玩啦！
見今日有時間，所以就開工玩泥膠~
![]( "IMG_7924")
可能小小豬都係初接觸，所以初時都唔太願意玩。不過對啲工具就好有興趣，拎住嚟玩呀~
經大肥豬教左一陣，終於都肯玩啦~
![]( "IMG_8014")
睇吓小小豬玩得幾投入，仲吹埋口水波添~
![]( "IMG_7997")
今日都係第一次俾小小豬，所以都係俾佢猜吓、搣吓咁，接觸吓泥膠，打算都係下次先開始教佢整公仔。當大肥豬整過一次圖形俾小小豬睇之後，小小豬都可以自己整啲圖形出嚟。依個三角形係小小豬自己整呀，都算叻叻啦(不過...其他圖形就仍需努力)~
![]( "IMG_8026")
今次第一次玩，雖然小小豬都未係好完全識玩，不過都叫做鐘意玩，等佢慢慢玩多啲就可以開始教佢砌多啲唔同嘅嘢，希望可以發展一吓佢嘅創意同腦力啦！
真係要再一次多謝PR姐姐對小小豬嘅厚愛！
**我的微博..關注啦**
![]()
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
