豬咀小小豬

16 JANUARY 2014(THU)

自從上星期日去左環境嘉年華玩過RODY之後，依個小小豬終於搵返RODY嚟玩，仲做左一個新POSE，就係依一個豬咀仔，係唔係好可愛呢~

有一排都冇玩過RODY，所以我都收埋左，點知佢由尋日開始同我講想要RODY，既然係主動提出，我當然好樂意拎出嚟俾佢玩啦~

依隻攪笑的小小豬話RODY要瞓覺哦(可憐的RODY)~

之後就繼續彈吓彈吓，彈左差唔多十五分鐘都冇話攰，精力真係何其旺盛呀~

最後，依個傻豬仔仲整左依個豬咀樣，見到佢依個樣又真係勁好笑，個豬咀真係好長呀...呵呵呵~

雖然依個百厭仔基本上都會最少都有每日一激，不過有時見到佢依啲攪笑可愛樣，又真係即刻心都軟晒。

唔知係唔係咁，所以依家小小豬知道佢做錯事見我唔開心嘅時候，都會整啲攪笑樣嚟逗返我，有時見到又真係即刻嬲唔落呀！

所以我幾時都話依個小小豬係一名擦鞋豬，真係越大越識逗人開心。

============================================

感謝 小肥豬 提供以上資料

小肥豬的網誌: http://kinseymama.mysinablog.com/

============================================