九龍城書節

7 DECEMBER 2013(SAT)

去完佐敦谷公園之後，大肥豬就帶左我地去一個新地方玩。依個係咩地方呢？小小豬好乖乖聽故事哦~

其實依個地方就係九龍城書節啦~

一聽到有書節，大肥豬當然一定要帶小小豬去行吓，等佢感受吓書卷味道。書節內除左有書展之後，仲有多個文化活動、又有好多地攤，都好熱鬧呀~

雖然我地係為小小豬而來，不過原來都唔係太啱小小豬，好似冇邊個環節啱小小豬玩。正當我地打算到此一遊行個圈就走嘅時間，我地就見到依個攤位，那位義工婆婆主動帶小小豬過去玩呀~

一去到攤位，義工婆婆就先教小小豬係紙杯上面畫公仔，做個靚靚花盆。雖然小小豬唔係畫左好多，不過佢都好專心咁去做呀~

之後就將啲綿花同綠豆入紙杯入面，就可以拎返屋企種種子啦~

之後義工婆婆就講一個有關種子嘅故事，小小豬好留心呀~

哈哈哈...小小豬真係越嚟越鐘意聽故意，睇見佢可以乖乖專心咁坐定定(都大約半個鐘)聽故事，真係有少少感動。因為由佢係一年多前唔肯坐定定，我地有我地講，佢有佢周圍走，到依家愛上左聽故事，可以好專心又留心咁坐定定，真係一個好大好大好大嘅進步呀！

============================================

感謝 小肥豬 提供以上資料

小肥豬的網誌: http://kinseymama.mysinablog.com/

============================================