海洋公園

1 DECEMBER 2013(SUN)

自從上次入海洋公園小小豬同海獅近距離影相之後，小小豬就成日都話要再去搵海獅。不過上幾個星期我都忙忙地，不過今日終於都可以入去玩返轉，順便當預祝我地六周年活動呀~

一入到場就見到小丑先生，小小豬仲主動走埋去玩呀~

小丑先生送左個汽球俾小小豬，個傻豬仔都不知幾開心呀~

見到揸車車位，一定要玩返轉先~

行程第一站，就係搭火車上去睇企鵝，入場前影吓公仔先啦~

好得意嘅企鵝呀~

小小豬睇得好入神哦~

就係因為小小豬嘅專心，我地大大話話我地係企鵝館都逗留左大半個鐘，不過只要佢鐘意，睇耐啲都冇問題啦！

之後我地就行左去睇攤位遊戲，首先去睇擲青蛙~

哈哈哈...大家唔好以為小小豬咁叻仔擲中份禮物，其實當時佢係冇玩呀，只係見旁邊有盆小青蛙佢好百厭地拎左一隻學旁邊個哥哥，小龜就得意佢拎嚟玩呀！

當然，我地攪攪陣完都有幫襯吓，不過就去左另一邊玩簡單啲嘅拋波波啦~

玩完之後我地就打算去搭纜車返落山下食午餐同去兒童王國玩。沿途見到水母館，見完全冇人，小小豬又未入過去睇，所以就行一轉啦。黑渿渿嘅感覺有啲似入左鬼屋，小小豬又唔鐘意睇，所以下次都應該唔會再入去啦~

由山下落返山下嘅纜車係完全唔洗排隊，慳返好多時間呀~

必經之路又玩一陣生果檔~

之後我地就去左食個簡單LUNCH，食完就同小小豬上電車玩轉啦~

終於都到左小小豬最鐘意環節，就係去兒童王國玩啦！

不過，嗰日小火車勁多人排隊，所以冇玩都，反而去左玩魔天輪呀~

再去玩木馬~

是日重頭節目，睇海獅表演，都已經睇左好幾次，不過小小豬仍然係好鐘意，睇得好投入又專心，見佢咁好表現，所以嚟睇多幾次都抵呀~

又同海獅影相啦，不過我覺得小小豬鐘意係望住海獅，唔係同佢影相，因為全程佢對眼都冇離開過海獅呀~

最後見仲有少少時間，所以去埋公園行玩啦~

就係咁，我地簡簡單單嘅海洋公園之旅就完結啦！

雖然我地仲有好多地方未去，不過去嘅都係小小豬鐘意嘅，所以都冇所謂啦，只要傻豬仔開心，我地玩乜都係一樣會好開心嘛！

============================================

感謝 小肥豬 提供以上資料

小肥豬的網誌: http://kinseymama.mysinablog.com/

============================================