MEGA BOX撞鬼鬼

20 OCTOBER 2013(SUN)

第一個目的地當然係中庭個萬勝節佈置啦，好在唔算多人，所以可以慢慢影啦~

哈哈哈...小小豬當然係最鐘意M&M公仔啦~

小小豬係未食過，亦都唔知係食得，但又唔知點解佢又好鐘意依啲公仔，仲同佢地玩左好耐添，可能係因為高度差唔多，有親切感啦...哈哈哈~

基本上係依個M&M位小小豬都玩得好開人，不過好攪笑地小小豬點都唔肯同依個科學怪人影，所以就等我嚟影啦~

係準備離開依個位置準備行IKEA時，見到有南瓜先生小姐出嚟，我當然唔放過依個機會，走去影埋一份啦~

行完街街我地食飽飽，準備離開MEGA BOX之際，又見到有鬼鬼出嚟啦！大肥豬原本唔俾我地行去影，話個人物比較恐怖，怕嚇親小小豬。點知當我問小小豬時，佢好大聲話要影，所以又可以同鬼鬼影啦(哈哈哈...小小豬真合作)~

其實原本都好想帶小小豬入海洋公園玩吓，同啲靚靚鬼鬼影吓相。不過我地嘅周六周日節目都實在太豐富，加上又真係怕海洋公園會太多人，所以都應該去唔到玩啦！

唔緊要啦，今日突如其來都影左少少，都算有影到，等出年再入過去海洋公園玩萬勝節啦！

============================================

感謝 小肥豬 提供以上資料

小肥豬的網誌: http://kinseymama.mysinablog.com/

============================================