漿糊記

知唔係....漿糊嚟啦！唔講大家都唔知，其實我細細個時用嘅漿糊都係依個樣，真係幾十年都冇變過，不過可能個質量就I應該變左，因為依家係MADE IN JAPEN呀！

其實係小小豬初初返學嘅時候，老師都話過佢用漿糊個技巧唔係太好，成日塗幾塗就冇心機，所以聽完之後都好想買支漿糊返屋企，等我地可以慢慢教佢。始終學校老師都要兼顧咁多小朋友，等佢係屋企學用得好，咁返都好啲嘛！

成日都話想買，不過行左好多間文具店都唔覺有，就算有都好似唔多安全咁，又擬似係內地貨唔敢買。終於早排同糖糖去杏花村影相時見到有，仲要係有牌子嘅，當然係即買啦！

趁今日留係屋企冇乜節目，就同小小豬上返一堂美勞堂啦！就今日睇，小小豬用漿糊個情況都幾好(可以經過幾個月老師訓練)，都識得自己塗，不過就係用得大舊左啦~
間唔中係屋企做吓勞作都幾好，不過因為今次都係即慶，所以材料唔多，只係用左啲數字紙仔俾小小豬貼。等我下次準備多啲材料之後，再嚟玩過先得。