30 DECEMBER 2012(SUN) 哈哈哈...俾樣嘢大家估吓,大家知唔知依樣係乜嚟呢~
知唔係....漿糊嚟啦!唔講大家都唔知,其實我細細個時用嘅漿糊都係依個樣,真係幾十年都冇變過,不過可能個質量就I應該變左,因為依家係MADE IN JAPEN呀!
其實係小小豬初初返學嘅時候,老師都話過佢用漿糊個技巧唔係太好,成日塗幾塗就冇心機,所以聽完之後都好想買支漿糊返屋企,等我地可以慢慢教佢。始終學校老師都要兼顧咁多小朋友,等佢係屋企學用得好,咁返都好啲嘛!
成日都話想買,不過行左好多間文具店都唔覺有,就算有都好似唔多安全咁,又擬似係內地貨唔敢買。終於早排同糖糖去杏花村影相時見到有,仲要係有牌子嘅,當然係即買啦!
趁今日留係屋企冇乜節目,就同小小豬上返一堂美勞堂啦!就今日睇,小小豬用漿糊個情況都幾好(可以經過幾個月老師訓練),都識得自己塗,不過就係用得大舊左啦~
睇吓小小豬幾專心,專心到流晒口水呀...哈哈哈~
間唔中係屋企做吓勞作都幾好,不過因為今次都係即慶,所以材料唔多,只係用左啲數字紙仔俾小小豬貼。等我下次準備多啲材料之後,再嚟玩過先得。
**我的微博..關注吧**
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================