2 MARCH 2012(FRI)
小豬媽帶完小小豬去睇醫生之後，見小小豬都好精神，所以就帶左小小豬去SHOPPING。原來小豬媽係聽朋友仔講話MICKEY專門店又轉季做大特價，所以去睇吓有冇嘢買俾小小豬。
嘩....小豬媽買左好多靚衫呀~
小豬媽話都就嚟轉季，所以全部都買大左一個碼，留返出年冬天先著。依幾件衫仔加埋都只係五百蚊左右，真係只可以用三個字嚟形容『平、靚、正』呀！
除左MICKEY衫仔之外，小豬媽仲買左件好有型嘅恤衫，等小小豬出席佢舅父仔結婚大日子嘅朝早著呀~
唔好睇件衫仔薄薄地，原來都要成二百幾蚊，真係仲貴過褸，有少少覺得唔係好抵添。不過小豬媽話咁有型，所以都值得哦！
同場加映：其實早係上星期，小豬媽都買左件靚底衫俾小小豬~
![]()
![]()
小豬媽話依個牌子雖然係貴，不過薄得嚟著上身一啲都唔焗，最啱有濕疹嘅小小豬，所以就買左俾佢。
就係咁...小小豬個衣櫃又多左好多靚衫，多謝小豬媽呀！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
